Is Sarjoko

Istuti Sarjoko[1] (lair 25 Nopèmber 1939) yaiku penulis wadon saka Tirtoadi, Sléman, Yogyakarta. Dhèwèké seneng nulis manéka warna karya sastra, kalebu geguritan lan macapat. Salah sawijining karya kang arupa geguritan kang diripta déning Is yaiku "Jaman Kalabendu", "Wuyung", lan "Banciké Bethara Kala". Karangané Is Sarjoko uga uwis dibabar ana ing kalawarta Panjebar Semangar, Jaya Baya, Mekar Sari, Jawa Anyar, Djaka Lodhang, lan Pagagan.

KauripanBesut

Is Sarjoko lair ana ing Janturan, Tirtoadi, Sleman, Yogyakarta, saka pasangan Amir Martoharyono lan (almarhum) Welas. Is lulus saka SR Susteran Boro taun 1956, banjur lulus saka SKP Marsudi Rini taun 1960. Sakwisé lulus saka SKP, Is banjur nikah karo Fx. Sarjoko taun 1961. Ana ing wektu kuwi, jeneng Istuti dadi ketambahan Sarjoko.

Is nduwèni hobi nulis wiwit saka enom. Dhèwèké ora nduwé mesin tik nanging sregep anggoné nulis surat kanggo kanca-kancané. Ananging hobi nulisé Is mandhek sakwisé dhèwèké nikah.

Ing taun 1980, Is diponis penyakit kanker gulu (kanker theroid). Ana ing wektu iki, dhèwèké wis nduwèni 9 anak (6 anak lanang lan 3 anak wadon). Is ora dioléhké nyambut gawé abot amarga penyakité. Kanggo ngisi wektu, bojoné nggawaké mesin tik saka kantoré, supaya Is bisa nulis manèh. Is banjur miwiti nulis karya sastra manèh. Dhèwèké uga gelem takon marang penulis-penulis kang luwih enom, kalebu M. Widhy Pratiwi (penulis cerkak lan novèl), anggoné sinau nulis karya sastra.

RujukanBesut

  1. Prabowo, Dhanu Priyo.; Rahayu, Prapti, 1959-; Balai Bahasa Yogyakarta (Indonesia) (2010). Ensiklopedi sastra Jawa (Cet. 1 ed.). Yogyakarta: Kementerian Pendidikan Nasional, Pusat Bahasa, Balai Bahasa Yogyakarta. ISBN 9789791852357. OCLC 801810329.CS1 maint: multiple names: authors list (link)