Jérôme Boateng
Jérôme Boateng iku sawijiné juru main bal-balan sing main ndhik pérangan mburiné tim Bayern München.[1] Piyambaké uga dadi andalan ndhik tim bal-balan Jerman. Pemain sing duwuré 192 cm iki lair ndhik Berlin, Jerman tanggal 3 September 1988.[1] Piyambaké iku adiké Kevin-Prince Boateng juru main tim bal-balan Ghana.[2] Dhèwèké kabèh iku anak saka bapak sing wong Ghana lan ibu sing teka Jerman.[2] Nanging piyambaké luwih milih mbéla tim Jerman.[2]
_(cropped).jpg)
Tetandhingan kapisané Boateng ndhik tim bal-balan Jerman diwiwiti wektu piyambaké isih umur 21 taun.[3] Tanggal 10 Oktober 2009 piyambaké main ndhik tetandhingan Kualifikasi Piala Dunia 2010 nglawan tim Ruslan.[3] Ndèk Tetandhingan iku Boateng diusir teka lapangan amarga éntuk kartu kuning ping pindho wektu menit 69.[3]
Boateng miwiti kariré ndhik bal-balan profésional karo tim Hertha BSC taun 2007 nganti 2010. Sakbanjuré iku piyambaké setaun ndhik Manchester City, sadurungé main ndhik Bayern München.[3]
Kemampuané mènèhi umpan dawa ngelingaké perané quarterback ndhik permainan American Football.[4] Ndèk taun 2014 Boateng dadi salahsijiné juru main Jerman sing ngrasakno dadi juwara Piala Dunia lan taun 2016 piyambaké isih dipercaya karo pelatihe Jerman kanggo main ndhik Piala Éropa Perancis.[5]
Cathetan suku
besut- ↑ a b "Jerome Boateng". www.goal.com. Dibukak ing 14 August 2016.
- ↑ a b c "Boateng Bersaudara: Sedarah Béda Nagara". www.tempo.co. Dibukak ing 14 August 2016.
- ↑ a b c d "Jerome Boateng, Tembok Tangguh bagi Die Mannschaft". www.kompas.com. Dibukak ing 14 August 2016.
- ↑ "Jerome Boateng dan Touchdown ala American Football". www.fandom.id. Dibukak ing 14 August 2016.
- ↑ "Skuat Jerman untuk Piala Éropah 2016 Tanpa Marco Reus". www.panditfootball.com. Dibukak ing 14 August 2016.