Jafro Megawanto
Jafro Megawanto (lair ing Batu, Malang, 18 Maret 1996) ya iku atlit paralayang kang nyumbangakè emas kanggo Indonésia ing Asian Games 2018. Jafro Megawanto[1] ngéntukaké rong medali emas saka juara nomor akurasi beregu putra lan akurasi perorangan putra. Perjuwangan kang ora gampang ing owah-owahan cuaca lan kondisi angin kang ana ing Gunung Mas, Puncak, Kabupatèn Bogor, Jawa Barat.
Dhèwèké lair saka Bapak Budi Sutrisno lan Suliasih sing gawèyané amung tani. Ora adoh saka omahé ana papan kanggo gladhi paralayang. Nalika kuwi dhèwèké mung bisa nyawang sinambi gumun nonton pilot paralayang nglakokaké paralayang kuwi mau saka Gunung Banyak, Kota Batu. Kanggo nggolèk sangu, dhèwèké mèlu sinau lan dadi tukang lempit parasut sing diarani “paraboy”. Gawéyan iku dhèwèké lakoni kanthi tekun nganti rong taun olèh opah rata-rata Rp5.000[2].
Anggoné Jafro sabar ngéwangi dadi paraboy ing pungkasan ngundhuh wohing manis. Dhèwèké ditawani manajer klub paralayang supaya nggabung sinau paralayang ana ing Batu. Manajer iku uga pilot andal paralayang nomor lintas alam, Yoshi Pasha Archived 2019-10-09 at the Wayback Machine..
Dalan kanggo lumebu Timnas ora gampang, Jafro kudu mbuktèkaké kwalitasé kanthi kejuaraan nasional. Jafro ngintukaké medali emas kanggo Provinsi Jawa Timur ana ing PON 2016 Jawa Barat. Dhèwèke uga makolêhi peringkat tinggi saka manêka kejuaraan nasional. Kanggo mbiyayani lomba-lombane kuwi, dheweke nyèlèngi saka opah anggoné dadi pilot tandem paralayang ana ing Batu.
Jafro Megawanto nggabung Timnas Paralayang Asian Games 2018 karo Rika Wijayanti lan Ike Ayu Wulandari sinau apa waé kang gayut karo paralayang. Anggone sinau têlung sasi, saka ground handling nganti terbang solo. Nalika sinau paralayang, dhèwèke ora ngêtokake dhuwit, kabèh diwragadi saka Yoshi Pasha. Ana ing Pelatnas, dhèwèké mbuktèkaké kwalitasé mèlu kejuaraan internasional.
Jafro isa juara siji karo 2 pilot liyane ana ing Seri Kejuaraan Dunia Paralayang Akurasi (PGAWC) 2018 ing Taldykorgan, Kazakhstan, awal Mei 2018. Dhèwèké ngintukaké medali emas cabang paralayang nomor akurasi perorangan putra, rong cathethan istimewa kanggo pêmuda 22 tahun kuwi mau. Medali emasë dadi sejarah istimewa kanggo partisipasi merah putih, amarga Jafro Megawanto nggawé Indonésia isa ngolèksi medali emas ana ing panggung Asian Games 2018.[3]
Prestasi besut
Nalika PON 2016 ana ing Jawa Barat, Jafro ngéntukaké medali emas, banjur tahun 2017 dhèwèké mèlu Kejurnas ana ing Wonogiri ngéntukaké juara 1. Tahun 2017 maneh, dhewekké melu Kejuaraan TROI (Trip of Indonesia) uga ngéntukaké juara 1. Tahun 2018 dhewekké melu PGAWC ana ing Kazakhstan uga ngintukake juara 1. Kang pungkasan wingi dhèwèké olèh medali emas nalika mèlu Asian Games 2018.
- Medali Emas PON Jabar 2016
- Juara I Kejurnas 2017 di Wonogiri
- Juara I Kejuaraan Trip of Indonesia (TROI) 2017
- Juara I PGAWC Kazakhstan 2018
- Medali Emas Asian Games 2018
Rujukan besut
- ↑ SUKARJAPUTRA, RAKARYAN (2018-08-27). "Jalan Hidup Seorang "Paraboy"". Kompas. Dibukak ing 2018-10-08.
- ↑ Sumirat, Surya (2018-08-23). "Jafro Megawanto, dari Tukang Lipat Parasut hingga Raih Emas". CNN Indonesia. Dibukak ing 2018-08-10.
- ↑ Iman Mulia, Teguh (2018-0827). "Mengenal Lebih Dekat Atlet Paralayang Peraih Emas Asian Games 2018: Jafro Megawanto". Bola.com. Dibukak ing 2019-10-11.
{{cite news}}: Check date values in:|date=(pitulung)