Jambu alas
Jambu alas (Syzygium pseudoformosum) ya iku wit taunan saka kulawarga Myrtaceae.[1] Wit cilik dhuwuré bisa nganti 12 mèter lan dhiamèter galihé 30 séntimèter. Galihé silindhris werna soklat lan ana slèrét-slèrét werna ijo. Cawang werna soklat lan duwé vena. Godhong tunggal lancip lan werna ijo. Kembang kasusun ing jero tandhan lan kèlèk cawang. Kembang iki gunggungé 1-5 saben gantilan. Kembangé ngrombol lan kelopak 20 x 15 mm hemisperikal. Benang sari werna putih dawa kaya rambut lan nyebar kaya ali-ali dhiamètèré 35 mm. Wohé woh wuni kang ndaging. Wernané ijo nalika mentah lan malih dadi kuning nalika wis mateng. Woh iki ukuré 25-20 mm.[2]
Ékologi lan Biologi
besut
Jambu alas ngembang ing sasi Juni. Wohé mateng ing sasi Oktobér. Tetuwuhan iki tuwuh mawa wiji. Pasebaran wiji direwangi dening lawa lan manuk. Wit iki bisa tuwuh 1-300 méter ing sadhuwuring samodra. Bisa tuwuh ana ing alas sekundhèr lan primèr. Tetanduran iki uga seneng ing lemah belérang lan jojrogan.[3] Pasebaran tetuwuhan iki ing pulo Sumatra, Jawa, Bornéo, Malaka, lan Thailand.
Piguna
besut
Kayu jambu alas bisa kanggo piranti wangunan, déné wohé bisa dipangan.
Kapustakan
besut- ↑ "WCSP". Diarsip saka sing asli ing 2022-10-16.
- ↑ "Syzygium mappaceum". www.asianplant.net. Dibukak ing 2020-04-03.
- ↑ Partomihardjo, Tukirin dkk. (2014). Jenis-Jenis Pohon Penting di Hutan Nusakambangan. Jakarta: LIPI Pers bersama Yayasan Pustaka Obor Indonesia. ISBN 978-979-799-804-2.