Jang Seung-eop

Jang Seung-eop (1843-1897) utawa Owon ya iku sawijining juru lukis kang asalé saka Wangsa Joseon, Koréa.^[1] Jang kang luwih kondhang kanthi jeneng pena Owon minangka salah siji saka 4 juru lukis Koréa saliyané Kim Hong-do, Jeong-seon lan An Gyeon.^[1] Jang Seung-eop minangka juru lukis kang kondhang ngenani dalan uripé kang èksèntrik.^[1]

Jang ya iku anak yatim kang mlarat, nanging kanthi tetulunge Yi Eung-heon, sawijining punggawa pura kang nemu bakat panglukisé, Jang bisa ngsokake kaprigelané ing babagan lukis.^[1] Amarga senengané mendem ombèn-ombèn, dhèwèké kerep éntuk masalah.^[1]^[2]

Bakat panglukisé dingertèni déning Raja Gojong lan dhèwèké dikongkon supaya nglukis sekat ruwangan kang kasusun saka 10 panèl.^[1] Nanging amarga senengané mendem, dhèwèké nyepelekake tugas mau lan pungkasané diwènèhi ukuman abot.^[1] Sawijining mantri kanthi aran Min Yeong-hwan (1861-1905) nulung Jang lan jaluk ratu supaya mènèhi kalodhangan sapisan manèh marang dhéwéke.^[1] Sawisé rampung nglukis lan nampa bayaran, Jang lunga ana kedai ombènan lan ngentèkaké kabèh bayarané.^[1] Jang Seung-eop dianggep nglukis lukisan kang paling éndah nalika lagi mendem lan diubengi déning wanita-wanita ayu kang ngesokaké ombèn-ombènane mau.^[1] Uripe kang entèng tanpa beban ndadèkaké dhèwèké ora mikirake kadonyan kaya ta kekuwasaan, pamor, kabegjan lan asil karyané dhéwé saéngga lukisane duwé nile artistik murni lan alami.^[1] Jang Seung-eop séda ing taun 1897 nalika umur 55 taun amarga penyebab kang ora dingertèni.^[1]

Kutipan misuwur besut

Lair lan pati kaya awan-awan kang mabur, mula ing kono kang paling apik kanggo golèk papan panggonan kang éndah kanggo delik. Apa gunané oyok-oyokan lelaran, pati, lan panguburan?

Cathetan suku besut

↑ ^a ^b ^c ^d ^e ^f ^g ^h ⁱ ^j ^k ^l Kun, Moon-sik (Autumn 2001). "Jang Seung-eop,the Joseon Dynasty's Last Great Painter" (PDF). Koréana. 15. Diarsip saka sing asli (PDF) ing 2016-03-07. Dibukak ing 2011-08-03.
↑ Lee, Ku-Yol (April 1979). "Chang Sung-op, An Illiterate Master Craftsman". Koréa Journal. 19.{{cite journal}}: CS1 maint: date and year (link)

Papat Pelukis Misuwur Dinasti Joseon
Kim Hong-do \| Jeong Seon \| An Gyeon \| Jang Seung-eop

Artikel iki minangka artikel rintisan. Kowé bisa ngéwangi Wikipédia ngembangaké.

[owon-1] ↑ ^a ^b ^c ^d ^e ^f ^g ^h ⁱ ^j ^k ^l Kun, Moon-sik (Autumn 2001). "Jang Seung-eop,the Joseon Dynasty's Last Great Painter" (PDF). Koréana. 15. Diarsip saka sing asli (PDF) ing 2016-03-07. Dibukak ing 2011-08-03.

[owon2-2] Lee, Ku-Yol (April 1979). "Chang Sung-op, An Illiterate Master Craftsman". Koréa Journal. 19.{{cite journal}}: CS1 maint: date and year (link)

[1]

[2]