Tuduhaké menu pokok

Wangsa Joseon, Chosŏn, Chosun, Choseon (Juli 1392Agustus 1910), ya iku nagara berdaulat kang diyasa déning Yi Seong-gye kang saiki ditepungi minangka Koréa.[1] Wangsa Joseon tahan sasuwéné 5 abad luwih.[1] Joseon diyasa sawisé lèngsèré Wangsa Goryeo kang kutha krajané ana ing Gaeseong lan banjur pindhah menyang Hanyang.[1] Wewengkon Wangsa Joseon diambakaké nganti wates Kali Yalu lan Duman ana ing sisih lor sawisé suksès nelukaké bangsa Jurchen.[1] Joseon ya iku wangsa Konfusius kang paling suwé nyekel pamaréntahan ing donya.[1] Sawisé pandhéklarasian Kakaisaran Koréa taun 1894, mangsa kakuwasan wangsa iki rampung nalika diwiwitiné panjajahan Jepang taun 1910.[1]

Karajan Joseon
대조선국 (大朝鮮國)
조선왕조 (朝鮮王朝)
1392–1897
Flag
Taegukgi (sawisé 1883)
Téritori Joseon sawisé panelukan Jurchen déning Raja Sejong
Kutha krajan Hanseong
Basa Koréa
Agama Neo-Konfusianisme
Pamaréntahan Monarki
Wang
 •  1392 - 1398 Taejo (pisanan)
 •  1863 - 1897 Gojong (pungkasan)1
Yeong-uijeong
 •  1431 - 1449 Hwang Hui
 •  1466 - 1472 Han Myeonghoe
 •  1592 - 1598 Ryu Seongryong
 •  1894 Kim Hongjip
Jaman sajarah Karajan
 •  Pambrontakan 1388 20 Mèi 1388
 •  Panobatan Taejo 1392 1392
 •  Pengumuman pangriptan Hangul 9 Oktober 1446
 •  Perang Pitung Taun 1592 - 1598
 •  Invasi Manchu 1636 - 1637
 •  Prajanjian Ganghwa 27 Fèbruari 1876
 •  Owah-wahan dadi kakaisaran 12 Oktober 1897 1897
Sadurungé
Sawisé
Goryeo
Kakaisaran Koréa
1Dadi Kakaisaran Koréa taun 1897

Yi Seong-gye wong kang ngedagaké wangsa iki lan dhèwèke diangkat dadi Raja Taejo.[1] Dhèwèké iku anggota klan Yi saka Jeonju kang nglakokaké kudheta marang Raja Woo saka Goryeo.[1] Yi Seong-gye misuwur dadi ahli militèr kang lantip ana ing perang marang bajak laut Jepang kang ngganggu perairan Koréa.[1] Dhèwèké mindhahaké kutha krajan saka Gaegyeong (saiki Gaeseong) menyang Hanseong lan ngedegaké kedhaton Gyeongbok taun 1394.[1]

Suksèsi kanthi patrilineal saka Raja Taejo ora tau pedhot nganti tekan jaman modhèren.[1] Panguwasa pungkasan, Sunjong, utawa Kaisar Yungheui kang didhunaké kanthi peksa déning militèr Jepang saka kepala nagara nalika taun 1910.[2] Panerus garis keturunan raja saka Wangsa Joseon saiki ya iku keturunan saka Yeongchinwang (Putra Makutha Uimin) lan Uichinwang (Pangéran Uihwa) adhiné Sunjong.[2]

Cathetan sikilBesut