Jeremy Beckett
Jeremy Beckett ya iku ahli antropologi utawa antropolog saka Middlesex, Karajan Manunggal, kalairan taun 1931[1]. Beckett njupuk pendhidhikan sarjana (BA) ana ing University College ing London taun 1954. Sabanjuré, dhèwèké kuliah pasca sarjana ing Australian National University (ANU) ing Ostrali taun 1958 lan olèh gelar MA[1][2]. Ing pawiyatan kang padha, Beckett olèh gelar Ph.D. taun 1964. Beckett nglakoni panlitian lapangan antropologi ing South Wales (1956), Selat Torres (1958), Filipina, lan Kapuloan Pasifik (1954)[2]. Karya-karya tulis Beckett kang wis diterbitké iku antarané Torres Strait Islanders (1987) lan Past and Present (1988)[1]. Ing kalangan para antropolog Ostrali, Beckett iki duwé karenan utama marang pagawéyan ètnografi ing wong Selat Torres (Torres Strait) lan wong Aborigin ing New South Wales kulon. Ing kabéh panlitiané negesi ing wigatiné ngenal gegayutan pulitik lan èkonomi, uga owah-owahan sesambetan sosial ing bebrayan[1].
Rujukan besut
- ↑ a b c d Amit, Vered (2004). Biographical Dictionary of Social and Sultural Anthropology. London: Routledge. kc. 60. ISBN 020364459X. OCLC 436848672.
- ↑ a b "EMERITUS ASSOCIATE PROFESSOR JEREMY BECKETT". The University of Sydney. Dibukak ing 2017-11-20.