John Mawe (1764 – 1829) inggih punika ahli mineralogi Inggris ingkang kondhang amargi pendekatan praktis saking disiplin ngèlmunipun.

John Mawe
Emas lan Permata-saking buku John Mawe taun 1812 Travels in the Interior of Brazil
ilustrasi déning James Sowerby[1]
Lair1764
Derbyshire, England
Pati26 Oktober 1829
London, Inggris
PadununganLondon
KabangsanCithakan:BRI
BabaganMineralogi
InstitusiRGSC

Biografi besut

Mawe wiyos wonten ing Derby taun 1764 putra saking Samuel Maw(e). Ibunipun séda nalika piyambakipun nembé umur 10 taun lajeng dumugi ageng dipunurus déning garwa kaping kalih bapakipun, Francis (wiyos ing Beigton). Ing taun 1970, piyambakipun dados kapal dagang Trent kanthi lelampahan dagang dhateng St Petersburg[2].

Taun 1793, Mawe magang marang tukang watu anama Richard Brown (1736–1816) lajeng kagarwa larénipun, Sarah tanggal 1 November 1794.[2] Brown lan Mawe dados nama usaha eceran ing Covent Garden taun 1797 ingkang nyade manéka barang saking marmer Derbyshire ingkang dipunasilaken déning pabrik ing Derby. Mawe dados manajer saking usaha punika. Usaha punika kawiwitan saking taun 1794. Diagram géologi saking strata Derbyshire ingkang dipundamel saking mineral-mineral Derbyshire miturut prakiraan sadaya dipundamel déning White Watson nanging sapunika ugi wonten prakiraan bilih sapérangan saking barang mau kasimpen wonten ing Musiyum Derby sajatosipun damelanipun Mawe & Brown.[3]

Kirang langkung ing pungkasan abad piyambakipun lelampahan dhateng sadaya tambang ing Inggris lan Sekotlan ngempalaken mineral kanggé kolèksi raja Spanyol.[4] Taun 1800 piyambakipun gadhah toko fluorit Royal Musiyum ing Matlock Bath kanthi lantaran agènipun piyambakipun kénging sengketa kaliyan Thomas Pearson gegayutan kaliyan tambang-tambang ing sakiwa tengenipun.[5]

Ing wulan Agustus 1804 John Mawe miwiti "lelampahan eksperimen komersial" ("voyage of commercial experiment") dhateng Rio de la Plata kanthi béaya saking Pangeran Bupati (prince regent) saking Portugal. Misinipun punika kanggé manggihaken aji indhustri emas lan permata ingkang saged kemawon njurung paningkatan pamulihan ékonomi Brasil.[6] Mawe dumugi Cadiz nalika wonten perang antawisipun Inggris lan Spanyol lajeng John Mawe kekurung wonten ing kutha dumugi gerah. Lajeng John Mawe nglayar saking Cadiz ing wulan Maret 1805 tumuju Montevideo lan nalika sampun dugi ing kutha mau piyambakipun dipuntahan kanthi tuduhan dados mata-mata Inggris. Piyambakipun lajeng bébas nanging naté nglampahi interogasi lan boten pikantuk kabebasan dumugi Montevideo dipunkuwaosi déning William Beresford ing taun 1806. Piyambakipun ndhèrèk èkspèdhisi sareng kaliyan John Whitelocke dhateng Buenos Aires lan wonten ing lelampahan kondur mring Montevideo mundhut satunggaling sekunar lan nglayar tumuju Brasil. Mampir wonten ing sapérangan pelabuhan kalebet pulo Santa Catarina. Piyambakipun ketampi kanthi saé in Brasil déning pangeran bupati ingkang paring ijin supados sowan dhateng tambang permata Minas Geraes lan pérangan sanès saking tambang mau sawatara wekdal taun 1809-1810. Kajawi punika piyambakipun ugi pikantuk izin kanggé ngakses arsip-arsip pamaréntah.[4]

 
Museum John Mawe ing Matlock Bath.

Mawe kondur dhateng London taun 1811 lajeng mbikak toko ing The Strand caket kaliyan Somerset House ingkang kondhang minangka praktisi mineralogis.[4] Taun 1813 piyambakipun dipunangkat dados anggota Royal Géological Society of Cornwall lan taun 1817 nampi diploma Jena Mineralogischen Gesellschaft.[2] John lan Sarah Mawe gadhah 2 laré, John Saint Mawe (1797–1820), séda ing umur 22 taun; Sarah nyuwun samangké dipunkubur ing celak larénipun. Lare wadonipun kagarwa Tissington Tatlow (1789–1828). Mawe séda ing London 26 Oktober 1829.

Cathetan suku besut

  1. Travels in the Interior of Brazil, Mawe, John; 1812
  2. a b c Torrens, H.S. (2004). "Mawe, John (1766–1829), mineralogist and dealer in minerals" (HTML). Dictionary of National Biography (2004). Oxford University Press.
  3. Torrens, Hugh S. (Winter 1992). "Early life... of John Mawe" (PDF). Buttetin of the Peak District Mines Society. 11 (6): 5. Dibukak ing 6 Mèi 2011.{{cite journal}}: CS1 maint: date and year (link)
  4. a b c Woodward, B.B. (1894). "Mawe, John (1764–1829), mineralogist" (HTML). Dictionary of National Biography Vol. XXVII. Smith, Elder & Co.
  5. Further notes on the history of phosgenite and matlockite from Matlock, England, Peter S. Burr in the Mineralogical Record, January 1994,
  6. Pedagogy through print: James Sowerby, John Mawe and the problem of colour in early nineteenth-century natural history illustration by Brian Dolan, The British Journal for the History of Science (1998), 31: 275-304 Cambridge University Press,