Jonathan Edwards
Jonathan Edwards (5 Oktober 1703-22 Maret 1758) inggih punika satunggaling teolog asal Amérikah Sarékat ingkang gadhah prabawa ageng wonten ing prastawa Revival wonten ing Amérika.[3] Edwards inggih punika satungaling pendèta Kongregasionalis ingkang kathah mbela ajaran Calvinis.[4]
| Jonathan Edwards | |
|---|---|
 Jonathan Edwards | |
| Lair | 5 Oktober 1703[1] East Windsor, Connecticut |
| Pati | Maret 22, 1758 (aged 54)[1] Princeton, New Jersey |
| Pakaryan | Pastor, teolog, dan misionaris |
| Bojo | Sarah Pierpont[2] |
Riwayat
besutJonathan Edwards miyos taun 1703, wonten ingWindson Timur, Connecticut, Amérikah Sarékat[3] Bapakipun, Timothy Edwards (1668-1759) inggih punika satunggaling pendèta wonten ing East Windsor, Connecticut (sapunika South Windsor) lan ibunipun, Ester Stoddard, minangka putri saking Pdt. Salomo Stoddard, saking wewengkon Northampton, Massachusetts.[5] Jonathan ingkang minangka putra ingkang angka 5 saking 11 sadhèrèk kaleresan minangka ingkang kakung piyambak. Piyambakipun dipungladhi déning bapakipun lan sadhèrèkipun, ingkang sadayanipun pikantuk pendidikan kanthi saé sanget.
Edwards sinau Latin wiwit yuswanipun nembé 6 taun.[6] Nalika yuswanipun ngancik angka 13 taun, piyambakipun sampun fasih migunakaken basa Yunani lan Yahudi.[6]
Piyambakipun mlebet Yale College taun 1716, nalika yuswanipun taksih sangandhaping 13 taun. Wonten ing taun candhakipun, piyambakipun tepang kaliyan Essay Concerning Human Understanding déning John Locke, ingkang kathah sanget maringi prabawa. Edwards remen sanget kaliyan sajarah alam, lan nalika yuswanipun ngancik angka 17, piyambakipun nyerat sawijining esai ingkang ngemu babagan pakulinan saking "laba-laba terbang".[7] Ugi nalika saderengipun lulus, ing wulan September 1720, minangka pamaos sesorah "perpisahan" saking kelasipun, piyambakipun katingal gadhah filosofi ingkang sampun karantam kanthi saé. Piyambakipun nelasaken 2 taun sinau babagan teologi sasampunipun lulus saking New Haven.
Nalika yuswanipun 17 taun, piyambakipun sampun dados tutor wonten ing Yale University.[6]. Lan wonten ing ing yuswa 24 taun, piyambakipun dados pendeta wonten ing gréja kongregasional.[6]
Ajaran
besutEdwards inggih punika minangka pambela ajaran Calvinis lumantar khotbah-khotbah ingkang dipunandharaken.[3][4] Tanpa dipunsadari, bab punika njalari jemaatipun ndhèrèk bangkit.[3][4] Prastawa punika dipunkenal kanthi nama The Great Awakening (Kebangunan Rohani Ageng), ingkang samsaya wiyar wonten ing sadaya gréja wonten ing Amérika Utara.[3][4]
Edwards pikantuk pamanggih babagan "kehendak bébas" ingkang winates sanget, kanthi pangertosan manungsa bébas tumindak miturut kepenginanipun piyambak.[3]
Pada taun 1734, Edwards mewartakan pesan Calvinis tentang kebenaran atas dhasar iman dengan gencar.[3] Akibatnya, dalam waktu setahun hampir seluruh penduduk diwasa di Massachusetts, Northampton menjadi Kristen.[6]
wonten ing taun candhakipun, piyambakipun tindhak dhateng Stockbridge minangka penginjil kanggé tiyang Indian.[3] Wonten ing taun 1757 piyambakipun pikantuk undangan dados rektor New Jersey College (sapunika Princenton University) ingkang dipuntampi.[3] Boten dangu sasampunipun punika Edwards séda amargi cacar taun 1758, akibat suntikan anti cacar ingkang dipuntampi nalika wabah lelara punika nyerang wewengkonipun.[3][6]
Edwards minangka pembela lan minangka pengkritik kebangunan rohani wonten ing jamanipun.[3] Bab punika katingal saking khotbahipun ingkang misuwur, Sinners in The Hand of an Angry God (Tiyang-tiyang berdosa wonten ing Tangan Allah ingkang Murka), ingkang nengenaken kanthi mirunggan babagan murka Allah, saéngga njalari kebangunan rohani.[3] Piyambakipun dipunkenal minangka pejuang ingkang boten purun nyerah kaliyan Arminianisme, amargi tetep sregep ngandharaken ajaran Calvinis.[3]
Edwards naté dipunsebut filsuf Amérika paling ageng amargi karya Freedom of Willipun.[3] Piyambakipun ugi minangka bapak teologi New England.[3] Ajaran teologiipun kalajengaken déning putranipun Jonathan Edwards Junior (1745-1801), ingkang ngasilaken Teologi New Heaven saking Charles Finney.[3]
Karya
besutSedaya korpus saking karya-karya Edwards kalebet karya ingkang boten dipunpublikasikaken saderengipun, sapunika kasamekta kanthi online wonten ing website The Jonathan Edwards Center at Yale University.[8] Karya proyek Jonathan Edwards ing Yale sampun ngasilaken edisi ilmiah saking Edwards dhedhasar transkripsi seger saking manuskripipun wiwit taun 1950-an.
Kathah saking karya-karya Edwards sampun kacetak ulang kanthi teratur. sapérangan karya agengipun kacantum wonten ing ngandhap punika:
- A Faithful Narrative of the Surprising Work of God
- Charity and its Fruits.
- Christian Charity or The Duty of Charity to the Poor, Explained and Enforced. 1732. online text at Bible Bulletin Board
- Concerning the End for Which God Created The World.
- Distinguishing Marks of a Work of the Spirit of God.
- Freedom of the Will.
- A History of the Work of Redemption including a View of Church History
- The Life and Diary of David Brainerd, Missionary to the Indians.
- The Nature of True Virtue.
- Original Sin.
- Some Thoughts Concerning the Present Revival in New England and the Way it Ought to be Acknowledged and Promoted.
- A Treatise Concerning Religious Affections
Cathetan suku
besut- ↑ a b "Biography at the Edwards Center at Yale University". Yale University. Dibukak ing 2009-09-13.
- ↑ George Marsden, Jonathan Edwards: A Life (New Haven, Conn.: Yale University Press, 2003), pg. 93-95, 105-112, 242-249, 607.
- ↑ a b c d e f g h i j k l m n o p Tony Lane. Runtut Pijar: Sajarah Pemikiran Kristiani. Jakarta: BPK Gunung Mulia, 2007. Hlm. 158-160.
- ↑ a b c d Thomas van den End. Harta Dalam Bejana. Jakarta: BPK Gunung Mulia, 2009. Hlm. 346-349.
- ↑ Marsden, Jonathan Edwards: A Life ISBN 0-300-10596-7, 978-0-300-10596-4
- ↑ a b c d e f Michael Collins & Matthew A. Price. Millenium The Story of Christianity: Menelusuri Jejak Kristianitas. Yogyakarta: Kanisius, 2006. Hlm. 168-169.
- ↑ Marsden, Jonathan Edwards: A Life hlm. 66
- ↑ "The Jonathan Edwards Center at Yale University". Dibukak ing 2013-02-22.