Kali Citarum

Sungai Citarum iku kali paling dawa lan gedhé dhéwé ing provinsi Jawa Barat, Indonésia. Muara Citarum dumunung ing Ujung Karawang. Awit akèhé debit banyu kang diilèkaké déning kali iki, pamaréntah gawé telu wadhuk lan Pembangkit Listrik Tenaga Banyu(PLTA) ing kali iki antarané:

1. PLTA Saguling
2. PLTA Cirata
3. PLTA Ir. H. Djuanda utawa PLTA Jatiluhur

Sajeroning sajarah Sunda, Citarum raket gandhèngané karo Tarumanagara, karajan Sunda ing abad ka-4-7, kang sabanjuré dadi tapel wates antarané karajan Sunda lan Galuh nalika loro karajan kembar iki ora ana ing sawijining kakuwasan manèh.

Kaanan Citarum wis akèh owah-owahan wiwit puluhan taun kapungkur. Industrialisasi kang tuwuh rikat ing kawasan saubengé kali iki wiwit pungkasan taun 1980-an wis njalari numpuk sampah buangan pabrik-pabrik ing kali iki.