Kali Dnieper
Kali Dnieper uga diarani Lèpèn Nyèper ( basa Ruslan : Днепр, Dnepr; basa Bélarusia : Дняпро, Dniapro , IPA: [dnʲa'pro]; basa Ukraina : Дніпро, Dnipro ), ya iku kali sing mili saka Ruslan , ngliwati Bélarusia lan Ukraina , tumeka Sagara Ireng. Dawané kali iki ana 2.285 km, ya iku 485 km ngliwati Ruslan, 595 ngliwati Bélarusia, lan 1.095 ngliwati Ukraina. Sumber Kali Dnieper wujud rawa-rawa Bukit Valdai ing Ruslan Tengah, sing dhuwuré 220 mèter. Pérangan kali iki sing dawané 115 km, dadi tapel wates nagara Bélarusia lan Ukraina. Kali iki diubungaké Kali Bug karo Terusan Dniper-Bug. Dnieper banget kanggo transportasi ékonomi Ukraina, sing mungkinaké kapal ukuran nganti 270x18 mèter lumebu plabuhan Kiev. Kali iki uga dipigunaaké déniéng kapal penumpang. Ing mangsa adhem, navigasi mandheg amarga kali mbeku. Kali iki uga dikenal kanthi bendhungan lan PLTA , ing antarané PLTA Dnieper ing cedhak Zaporizhia, sing dibangun taun 1927-1932 kanthi output 558 MW. Wangunan iki rusak sasuwéné Perang Donya II, lan dibangun manèh taun 1948 kanthi output 750 MW.
