Kanjut Sar

Kanjut Sar inggih punika salah satunggalong gunung ingkang manggèn wonten ing Muztagh Hispar. gunung punika minangka saperanganipun karakoram. Gunung punika dumunung wonten ing Gilgit-Baltistan, Pakistan. Gunung punika minangka gunung ingkang inggilipun urutan nomer 26 wonten ing donya, lan urutan nomer 11 wonten ing Pakistan.. Pucuk ingkang dumunung wonten ing sacelakipun gunug Kanjut Sar inggih punika Tahu Rutum, Haghucha Khun, Pumarikish, Yazghil Sar, Khurdopin Sar, kaliyan Ulum Burum Bun.

Gunung Kanjut Sar dipunpundhut fotonipun nalika tanggal 23 oktober 2005

Gunung Kanjut Sar

Pucuk Kanjut Sar

Kanjut Sar kapérang dados kalih pucuk:

• Kanjut Sar I inggilipun 7.760 mèter utawi 25.459 kaki
• Kanjut Sar II inggilipun 6.831 mèter utawi 22.411 kaki

Paminggahan

Kanjut Sar dipunminggahi kaping pisan nalika taun 1959 déning Camillo Pelliser, anggota saking Ekspedisi Italia ingkang dipunpandegani déning Guido Monzino. Paminggahan salajengipun inggih punika saking èkspèdhisi Jepang nalika taun 1981 déning NE Yutmaru (Jutmo).