Kasti

Aksara Latin

ꦗꦮ

Kasti iku dolanan tradhisional kanggo bocah cilik mèmper karo dolanan utawa ulah raga bisbol (basa Inggris:baseball). Piranti kang diperlokaké wujud bal karèt kang gedhéné saukuran bal tènis nanging ora ana wuluné. Saliyané bal uga diperlokaké piranti wujud teken kang digawé saka kayu, padha karo bat ing ulah raga bisbol kang gunané kanggo namplèk bal. Ana manèh piranti kang diarani "hong", wujud telu cagak wesi apa kayu utawa pring minangka base-é. Hong sepisanan dipasang cedhak karo papan namplèk bal, déné hong kapindho lan katelu dipasang ing pojok kang dunungé adoh ing sisih kiwa lan tengen. Sawisé juru main namplek bal kang diuncalake déning kang pérangan nguncal saka tim kang wayahe jaga, déné kang namplek diwènèhi telung kesempatan kanggo namplek sampek kenek. Sawisé bal bisa ditamplek banjur lumayu menyang hong kang wis dicawisake olèh lumayu menyang hong kang cedhak olèh lumayu menyang hong kang adoh. Cara itungan nilaine ya iku saka akèhé anggota tim kang bisa mbalik menyang Home/omah asal tanpa kena bal

Kasti.

Tata cara

Mèh padha karo bisbol utawa sofbol]] dolanan kasti dumadi saka rong golongan. Golongan kang siji namplèk terus lumayu ngubengi lapangan lan bisa terus lumebu "omah" (kaya homerun). Golongan sijiné njaga lan nyegat playuné golongan mungsuhé. Bédané karo baseball ya iku yèn ing baseball mungsuhé mung dicegat terus ditèmpèli bal, nanging sajeroning kasti juru main jaga olèh mbalang (ngempuk) mungsuhé saka kadohan. Yèn ana juru main kang namplèk banjur lumayu utawa juru main liya kang lumayu saka hong siji menyang hong liyané kena empuk, klompoké banjur ganti golongan jaga, lan golongan kang jaga ganti lumebu omah lan namplèk bal mbaka siji. Saben juru main kang bisa lumebu omah olèh biji siji, mangkono saterusé kang olèh biji paling akèh ing pungkasan dolanan menang.

Uga delengen

• Benthik
• Umbul
• Dhakon
• Gangsingan
• Sofbol utawa Rounders
• Bisbol