Kawat Untu
Kawat untu utawa béhel (basa Inggris: dental braces) ya iku piranti kang gunané kanggo ngratakaké untu.[1] Miturut jinisé, bracket (pérangan kang némplék) ing kawat untu duwé ancas kanggo éstétis utawa kosmétik, ana kang bisa dideleng ana kang ora bisa dideleng.[1] Kawat untu ana kang sifaté permanén tegesé ora bisa dibukak lan dipasang manèh, lan ana uga kang nduwéni sipat bisa dipasang lan dibukak.[1] Carané ya iku, kawat untu ngatur, kanthi nyurung lan nahan obahing untu.[1] Perawatan ortho nduwéni tujuwan supaya fungsi omongan, éstésis rai, lambé, lan rahang, lan yèn ngguyu luwih apik lan katon luwih éndah.[1] Prosés saka sepisanan nganti pas karo standar mbutuhaké wektu kurang luwih telung minggu.[1]
Kawat untu duwé fungsi kang apik kanggo éstetis lan kaséhatan.[2] Nanging kawruh masarakat kang minim ngenani bab dhokter untu bisa njalari masalah.[2] Akèh kasus malpraktik oknum dhokter untu utawa wong kang ngaku duwé kawruh ing babagan untu.[2] Supaya ora salah milih dhokter untu, Ikatan Ortodontis Indonésia (Ikorti) ménéhi saran kanggo masarakat supaya ati-ati anggoné milih dhokter.[2] Yén nganti salah lan milih dhoktér ing malpraktik lan ora nduwéni kompeténsi bisa mbebayani tumrap pasien.[2] Ana pathokan supaya ora salah milih dhokter untu.[2] Kang paling gampang, dhokter untu kang bisa masang kawat untu mesti duwé gelar spesialis ortodontis utawa disingkat SpOrt.[2] Dhokter untu kuduné sekolah manèh nganti 3-4 taun supaya bisa éntuk gelar iki.[2]
Cathetan suku
besut
| Artikel iki minangka artikel rintisan. Kowé bisa ngéwangi Wikipédia ngembangaké. |