Kejaksaan Agung Republik Indonésia

Kejaksaan Agung (dicekak Kejakgung utawa Kejagung) iku lembaga penyelenggara kakuwasan nagara ing babagan penuntutan sarta kewenangan liya miturut Undhang-Undhang, kang dunungé ana ing kutha krajan nagara Indonésia lan laladan hukumé nyakup wewengkon kakuwasan nagara Républik Indonésia.

Kejaksaan Agung, Kejaksaan Tinggi (dumunung ing kutha krajan provinsi lan laladan hukumé nyakup wewengkon provinsi) lan Kejaksaan Negeri (dumunung ing kutha krajan kabupatèn/kutha lan laladan hukumé nyakup wewengkon kabupatèn/kutha) minangka kakuwasan nagara mligi ing babagan penuntutan, kang kabèh mau minangka siji kesatuan kang wutuh kang ora bisa dipisahaké.

Unsur Pimpinan lan Unsur Pembantu Pimpinan

Unsur pimpinan Kejaksaan Agung dumadi saka Jaksa Agung lan Wakil Jaksa Agung, kaloroné minangka siji kesatuan.

• Jaksa Agung (Jakgung) minangka pejabat nagara, pimpinan lan penanggung jawab paling dhuwur kejaksaan kang mimpin, ngendhalèkaké pelaksanaan tugas, lan wewenang Kejaksaan Républik Indonésia. Jaksa Agung diangkat lan dilèrèni déning Présidhèn. Jaksa Agung Républik Indonésia wektu iki yaiku Hendarman Supandji, kang mengku kalungguhan wiwit taun 2007
• Wakil Jaksa Agung diangkat lan dilèrèni déning Présidhèn saka usulan Jaksa Agung, lan tanggung jawab marang Jaksa Agung. Wakil Jaksa Agung Républik Indonésia wektu iki yaiku Muchtar Arifin.

Déné unsur pembantu pimpinan yaiku Jaksa Agung Muda lan Wakil Jaksa Agung Muda. Ana 6 Jaksa Agung Muda, yaiku:

• Jaksa Agung Muda Pembinaan
• Jaksa Agung Muda Intelijen
• Jaksa Agung Muda Tindak Pidana Umum
• Jaksa Agung Muda Tindak Pidana Khusus
• Jaksa Agung Muda Perdata lan Tata Usaha Nagara
• Jaksa Agung Muda Pengawasan

Deleng uga

• Pratélan Jaksa Agung Républik Indonésia