Hendarman Supandji
Hendarman Supandji (lair ing Klaten, Jawa Tengah, 6 Januari 1947; umur 77 taun) inggih punika Jaksa Agung ing Kabinet Indonésia Bersatu minangka gantosipun Abdul Rahman Saleh nalika Reshuffle kabinèt II tanggal 7 Mèi 2007.[1] Sadèrèngipun Hendarman njabat dados Jaksa Agung Muda Pidana Khusus ing Kejaksaan Agung.[2]
| Hendarman Supandji | |
|---|---|
 | |
| Jaksa Agung Republik Indonesia | |
| Linggih 9 Mèi 2007 – 24 September 2010 | |
| Présidhèn | Susilo Bambang Yudhoyono |
| Kang sadurungé | Abdul Rahman Saleh |
| Kang sawisé | Darmono (Plt.) |
| Rerincèn dhiri | |
| Lair | 6 Januari 1947 Klaten, Jawa Tengah |
| Bangsa | Indonésia |
| Almamater | Universitas Diponegoro |
| Agama | Islam |
Panjenenganipun naté pikantuk bebingah minangka "Pegawé ingkang sregep lan jujur" saking Kepala Kejaksaan Inggil Kalimantan Wétan nalika taun 1970-an punika naté tugas ing Kejaksaan Negeri Jakarta Pusat (1979-1981), Pusat Operasi Intelijen Kejaksaan Agung (1982-1983), Atase Kejaksaan ing KBRI Bangkok (1990-1995), Asisten Perdata lan TUN ing Kejati Palembang (1996-1997), Staf mirunggan Jaksa Agung (1998), Kepala Biro Keuangan Kejaksaan Agung (1998-2002), Jaksa tinggi ing Yogyakarta, lan Sekretaris Jaksa Agung Muda Pengawasan sadèrèngipun kapilih dados JAM Pidsus 25 April 2005.[1]
Nalika tanggal 4 Mèi 2005, Hendarman dipunlantik déning Présidhèn Susilo Bambang Yudhoyono minangka Ketua Tim Pemberantasan Tindak Pidana Korupsi (Timtastipikor).[1] Tim punika gadhah anggota cacahipun 48 tiyang saking Polri, Kejaksaan Agung (Kejagung), lan BPKP lan dipunjangkepi penasehat saking Jaksa Agung, Kapolri, lan Kepala BPKP ingkang dunungipun ing sangandhapipun lan gadhah tangung jawab langsung dhateng présidhèn.[1]
Tugasipun TimTasTipikor kanthi umum kaserat wonten ing Dudutan Présidhèn (Keppres) Nomor 11 Taun 2005.[1] Wonten ing Keppres punika dipunsebataken, tugas TimTasTipikor inggih punika ngawontenaken panyelidhikan, panyidhikan, lan panuntutan jumbuh kaliyan paugeran hukum acara pidana ingkang kanggé tumrap kasus lan utawi indhikasi tindak pidana korupsi.[1] Salajengipun madosi lan nyekel pelaku ingkang dipundugi ngawontenaken tindak pidana korupsi sarta nalusuri lan ngamanaken sadaya asétipun tujuanipun supados arta korupsi kasebat dipunwangsulaken.[1]
Cathetan suku
besut- ↑ a b c d e f g Hendarman Supandji[pranala mati permanèn] dipunundhuh tanggal 22 September 2011)
- ↑ Hendarman Supandji Archived 2012-03-09 at the Wayback Machine. dipunundhuh tanggal 22 September 2011)
Pranala njawi
besut
| Artikel iki minangka artikel rintisan. Kowé bisa ngéwangi Wikipédia ngembangaké. |