Kertu pos

Kertu pos ya iku salembar dluwang kang ukurané kandel utawa digawé saka karton tipis kang dhapuré persegi panjang. Kartu pos gunané kanggo nulis lan ngirimaké tulisan kang ora usah diwadhahi amplop. Ngirim nganggo kartu pos regané luwih murah tinimbang yèn ngirim nganggo layang.

Kertu pos kang gambaré Greja.

Kertu pos kang sepisanan ing donya digawé ing Ostenrik nalika tanggal 1 Oktober, 1869. Nalika iku kertu pos nduwéni jeneng Correspondenz-Karte. Kertu pos lumrahé dikirimké wong-wong nalika lunga ing jaban rangkah kanggo kenang-kenangan kang mratandakaké yèn dhèwèké wis tau lunga ing nagara iku. Jeneng Correspondez-Karte iki tegesé kertu pos gunané kanggo piranti kang bisa minangka berkoresponden. Akèh kaluwihan saka kertu pos tinimbang nulis layang. Kertu pos luwih sithik nggunakaké kertas lan ora prelu nggunakaké amplop. Ukurané kang cilik uga kena kanggo nyingkat pawarta kang bakal dikirim marang kang nampa pesen. Ilmu panalitèn lan nglumpukaké kertu pos diarani deltiologi.

Kartu pos lumrahé ana gambaré. Gambar kang ana ing kertu pos kaya ta gambar panggonan kang misuwur ing salah sawijining nagara iku, gambar wong, gambar alam kaya ta gunung, sagara, kapal, kéwan-kéwan kaya ta kéwan kang langka lan dadi ciriné nagara iki, utawa gambar wong kang nduwéni kalungguhan kang dhuwur ing nagara. Kertu pos uga kena kanggo ucapan Natal, taun baru, lan dina riyaya kaya ta Idul Fitri, lan dina kang dianggep wigati ing nagara iku.