Kreteg

Aksara Latin

ꦗꦮ

Kreteg (ꦏꦿꦼꦠꦼꦒ꧀) utawa brug iku wot gedhé lan amba kang nyebrangi siji papan tarbuka utawa jurang. Lumrahé kreteg dienggo nyebrang kali, lembah, jurang lan sabanjuré kang ora bisa diliwati wong utawa wahana. Kreteg uga bisa nyebrangi dalan kang macet lan racaké diarani kreteg layang (kreteg layang utawa flyover).

Kreteg kang nyebrangi kali ing kali Ebre, Katalonia, Spanyol

Kreteg pring ing Kali Umbilin taun 1890 (Kolèksi Troopenmuseum).

kreteg ing benin

Kreteg uga duwé kawigatèn militèr, sabab musuh racaké nyoba nggawé bolongan gedhé utawa nggawé kali supaya tank-tank lan wahana motor liyané ora bisa liwat. Kreteg militèr racaké portabel, tegesé bisa digawa menyang ngendi-ngendi lan racaké luwih njlimet tinimbang kreteg sipil.

Jinis-jinis kreteg

Ana patang jinis utama kreteg: kreteg lonjoran, kreteg busur, kreteg cantilever lan kreteg suspènsi (kreteg gantung).

• kreteg lonjoran (beam bridge) iku kreteg kang kabangun namung saka siji unsur baé, racaké batang uwit, blabag utawa barang mèmper liyané
• kreteg busur iku kreteg kang mèmper busur (gandhéwa)
• kreteg cantilever iku kreteg kang dibangun nganggo prinsip cantilever diproyèksi kanthi horisontal lan namung disangga ing panggonan siji
• kreteg suspènsi iku kreteg kang digantung mawa tali utawa bahan liya kang fungsiné mèmper tali