Kripik bayem

Kripik bayem inggih punika salah satunggaling nyamikan ingkang wujud bayem ingkang dipungoreng kanthi garing.

Kripk Bayem

Bahan-bahan

Bahan-bahan ingkang dipunbetahaken kanggé damel kripik bayem inggih punika kados makaten:

• Bayem ingkang kethel ronipun 2 iket
• Glepung beras 250 g
• Toya 50 ml
• Toya kapur sirih 1 sdt
• Lisah klentik 500 ml
• Paprika bubuk 1 sdt
• Bubuk perasa barbeque sacekapipun

Bumbu-bumbu

Déné bumbu-bumbu ingkang dipunbetahaken kanggé damel kripik bayem punika inggih ing antawisipun kados makaten:

• Bawang putih 5 siyung
• miri 8 butir, dipunsangré
• Sarem 1 sdt

Caranipun damel

Kripik bayem punika salah satunggaling nyamikan ingkang gampil dipundamel. Ing ngandhap punika dipunandharaken caranipun damel kripik bayem, inggih kados makaten:

1. Godhong bayem dipunkumbah ngantos resik rumiyinm lajeng dipuntus supados ical toyanipun.
2. Glepung kanji kaliyan glepung beras dipuncamppur dados satunggal, lajeng dipunudhak ngantos rata.
3. Salajengipun, toya dipunlebetaken sareng kaliyan tigan ayam wonten ing campuran bumbu alus ingkang sampun dipundamel rumiyin.
4. Manawi sampun, lajeng campuran toya lan bumbu kala wau dipuncampur kaliyan glepung ingkang sampun dipunudhak kala wau, lajeng adonan dipunudhak malih ngantos rata. Adonan dipundamel boten patos kaku lan boten kecuwèren.
5. Lisah dipunpanasi rumiyin wonten ing waja, meanwi sampun panas, bayem dipunclupaken wonten ing adonan glepung lajeng dipungorèng. Godhong bayem dipunlebetaken ing adonan satunggal maka satunggal lan dipungorèng ngantos garing lan mateng.
6. Menwi sampun, bayem ingkang sampun dipungoreng lajeng dipunangkat lan dipuntus.
7. Prosès bayem dipunclupaken wonten ing adonan kala wau dipunambali terus ngantos sadaya bayem dipungoreng.