Kundha Kabudayan (Ngayogyakarta)

Koordhinat: 7°47′55″S 110°23′03″E / 7.7984977°S 110.3841713°E / -7.7984977; 110.3841713 Ing Ngayogyakarta, Kundha Kabudayan (basa Indonésia: Dinas Kebudayaan) iku siji kundhaning pepréntahan kanthi wewengkoning jejibahan ana ing saambaning Daerah Istimewa Yogyakarta (DIY). Kundha Kabudayan kinepyakan ing tanggal 26 Nopèmber 1997 kanthi pernahing kantoré ana ing wétaning lapangan kapatihan. Minangka kundhaning pepréntahan ing Ngayogyakarta, Kundha Kabudayan ancas ngurip-urip, ngreksa, lan ngrembakani asèt budaya ing Ngayogyakarta sarta yasa DIY minangka punjering budaya kanthi manéka gelaran budaya nasiyonal lan internasiyonal.^[1]

Sajarah

Duk nguni, Kundha Kabudayan manunggal karo Kundha Wiyata (basa Indonésia: Dinas Pendidikan) kanthi aran Kundha Wiyata lan Kabudayan DIY. Owah-owahan kalakon nalika babar Putusaning Gubernur DIY angka 353/KPTS/1994 rikala tanggal 26 Oktober 1994 bab Yasaning Kundha Kabudayan DIY. Kundha kang kawitané manunggal banjur pinaro dadi Kundha Kabudayan lan Kundha Wiyata.^[2]

Réferènsi

↑ "Profil Dinas Kebudayaan Daerah Istimewa Yogyakarta: Misi". budaya.jogjaprov.go.id. Dibukak ing 2019-05-02.
↑ "Profil Dinas Kebudayaan Daerah Istimewa Yogyakarta: Sejarah". budaya.jogjaprov.go.id. Dibukak ing 2019-05-02.

[1] "Profil Dinas Kebudayaan Daerah Istimewa Yogyakarta: Misi". budaya.jogjaprov.go.id. Dibukak ing 2019-05-02.

[2] "Profil Dinas Kebudayaan Daerah Istimewa Yogyakarta: Sejarah". budaya.jogjaprov.go.id. Dibukak ing 2019-05-02.

[1]

[2]