Labrador Retriever Canis familiaris (utawi asring dipunsebat Labrador utawi dipuncekak LAB) inggih punika salah satunggalipun jinis segawon saking pinten-pinten jinis segawon retriever, jinis segawon pistol.[1] Karakteristik Labrador Retriever inggih punika gadhah cakar ingkang wonten selaputipun ingkang dipunanggé nglangi ing toya.[1] Ing Kanada, Britania Raya, lan Amérika Sarékat,[2] Labrador Retriever misuwur minangka segawon ingkang prodhuktif réprodhuksinipun (wiwit taun 1991).[1] Labrador Retriever ugi dados segawon ingkang paling misuwur minangka segawon pambiyantu ing Australia, Kanada, Inggris, Amérika Sarékat, lan kathah nagari sanèsipun.[1] Segawon punika ugi asring dipun-ginakaken déning pulisi lan organisasi resmi sanèsipun.[1] Limrahipun segawon punika gadhah karakteristik atletis lan remen nglangi, dolanan ngejar lan mendhet dolanan.[1] Segawon punika ugi saged dipun-ginakaken kanggé panjagi.[1]
Labrador Retriever
|
| Segawon jinis Labrador Retriever
|
| Julukan
|
Lab, Labrador
|
| Negara asal
|
Kanada (Newfoundland)
|
|
|
|
|
| Dog (Canis lupus familiaris)
|
Leluhuripun Labrador Retriever asalipun saking Pulo Newfoundland, sapunika mlebet provinsi Newfoundland, Kanada.[3] Generasi pendhiri labrador inggih punika St. John's Water Dog.[3] Leluhuripun segawon St. John's Water Dog boten dipunmangertosi, nanging kamengkinan kalebet campuran trah segawon saking Inggris, Irlandia, lan Portugis.[3] Segawon ing Newfoundland kamengkinan asil saking paternakan segawon St. John kaliyan mastiffs ingkang dipunbekta dhateng pulo kasebat déning warigaluh portugis ing abad kaping 16.[3]
