Lingsang
Lingsang utawa wlingsang ya iku tembung saka basa Jawa kanggo patang spésies karnivora mamalia cilik kang uripé ing wit-witan. Loro spésies saka Afrika kalebu kulawarga Viverridae, déné rong spésies saka Asia kalebu kulawarga Prionodontidae.
Kabèh genus lingsang (Poiana Afrika lan Prionodon Asia) biyèné kagolongaké ing subfamili Viverrinae (Viverridae), bebarengan karo sawatara genera, nanging riset anyar nyatakaké menawa Sesambungan saka génus kuwi beda. Lingsang ditengeri saka morfologi kang caket karo kucing, kulawarga Felidae, racaké luwih gedhé tinimbang viverriae. Nanging, analisis DNA nuduhaké menawa lingsang Afrika (Poiana) sing bener kalebu viverridae déné lingsang Asia (Prionodon) luwih cedhak marang kulawarga Felidae.[1]
.jpg)
Jeneng lingsang utawa wlingsang kang asring klèru digunakaké kanggo ngarani kéwan berang-berang (""otter"" ing basa Inggris).[2] Lingsang kalebu kéwan nokturnal, umumé urip dhèwèkan lan manggon ing wit-witan gedhé. Lingsang kalebu kéwan karnivora, mangan bajing, tikus, manuk cilik, kadal lan kéwan gegremetan. Racaké ukuran cilik watara 30 cm, kanthi buntut sing luwih dawa tinimbang awaké. Awaké dawa, lan sikilé cendhèk.
Spesies saka Lingsang Afrika :
- Poiana leightoni - Lingsang Leighton
- Poiana richardsonii - Lingsang Afrika
Spesies Lingsang Asia :
- Prionodon linsang - Lingsang lorèk
- Prionodon pardicolor - Lingsang tutul
Rujukan
besut- ↑ Philippe Gaubert and Geraldine Veron, ""Eèhaustive sample set among Viverridae reveals the sister-group of felids: the linsangs as a case of eètreme morphological convergence within Feliformia"", The Royal Society (October 15, 2003).
- ↑ "Perbedaan Antara Linsang dan Berang-berang (Otter)". www.admanda.com. Diarsip saka sing asli ing 2018-02-10. Dibukak ing 2018-02-19.