Luluk Hadiyanto

Luluk Hadiyanto (lair Blora, Jawa Tengah; 8 Juni 1979) yakuwi juru main pebulutangkis ganda putra asal Indonésia sing dipasangaké karo Alvent Yulianto. Putra kelairan dhusun Njajar, Pengkol, Kacamatan Ngawen, Kabupatèn Blora saka pasangan Edy Sunarto lan Sulami iki miwiti main bulutangkis nalika umur 11 taun. Saking kepenginé bisa main badminton kaya idholané, Christian Hadinata, Luluk pindhah sekolah menyang SMP 7 Sala terus sabanjuré pindhah menyang Kudus, nanging bareng wis lumaku wolung sasi pindhah bali manèh menyang SMP 7 Sala. Pengalaman Luluk, juru main asal klub bandminton PB Djarum iku antarané ing Piala Thomas (2004 lan 2006) sarta Piala Sudirman (2003 lan 2005), déné prèstasi paling dhuwur naté dadi ranking I Dunia nalika taun 2004 bebarengan karo pasangan mainé Alvent Yulianto.

Luluk Hadiyanto.

Melu Pelatnas

Wektu lungguh ning bangku SMP Sala mau taun 1995 Luluk dipercaya mèlu pelatnas junior ing Cipayung. Abot marang pendhidhikané Luluk kepeksa mondhar-mandhir Sala - Jakarta kanggo ngayahi tugas latihan badminton lan nerusaké sinauné. Taun 1999 Luluk dipanggil mèlu Tim Nasional senior.

Prestasi

• Medali Pérak, Asian Games 2006
• Medali Perunggu, Kajuwaraan Donya Anaheim 2005
• Semifinalis, All England 2005
• Ranking I Donya 2004
• Juara I Indonésia Open 2004
• Juara I Koréa Open 2004

Tandha kaurmatan

Luluk naté dianugerahi tadha kaurmatan saka Présidhèn RI yakuwi wujud:

• Parama Krida Madya taun 2004
• Parama Krida Utama taun 2005

Pranala njaba

• BWF : Tabel Pertandhingan Luluk Alven
• BWF : Tabel Pasangan Luluk Hadiyanto
• Profil Pemain PB Jarum Archived 2007-07-07 at the Wayback Machine.
• Bolanews : Bulutangkis Asian Games XV Archived 2007-01-28 at the Wayback Machine.
• Dillesport : Denmark Open Archived 2007-12-14 at the Wayback Machine.
• Dillesport : China Open Archived 2007-08-08 at the Wayback Machine.
• Jepang Super Series
• Suara Merdeka Singapura Terbuka