Métro de Rennes
Métro de Rennes dipunbikak wiwit tanggal 15 Maret 2002, minangka jaringan métro ing Rennes,[1] Perancis ingkang migunakaken tèknologi ingkang basisiipun ing Siemens Transportation Systems VAL (véhicule automatique léger utawi angkudan ringan otomatis). Namung wonten satunggaling jalur, Jalur A dawanipun9.4 km, ingkang mbentang saking baratlaut dhateng tenggara saking J.F. Kennedy dhateng La Poterie ngléwati Gare de Rennes (dipunlayani déning stasiun métro Gares), kanthi 15 stasiun, 13 anatwisipun wonten ing ngandhap lemah. Stasiun ing la Poterie lan kreteg wonten ing jalur dipunrancang déning Norman Foster.
Jaringan nindakaken operasi kapan kémawon kanthi paling sakedhik sekawan tiyang wonten ing pos jaga pusat (poste de commande centralisée) dumunung ing caket taman Chantepie. 120 kodhak njagi sadaya stasiun ing jalur mau.
Operasi dipunwiwiti antawis 05:20 lan 00:40 saben dinten satunggal minggu, lan kréta rawuh antawis 3 - 7 menit. Saking ujung dugi ujung, wekdal ingkang dipunbetahaken inggih punika udakawis 16 menit, kanthi kecepatan kréta rata-rata inggih punika 32 km/h. Sedaya stasiun dipunjangkepi kanthi lift.
Sistem punika gadhah 16 kréta, kanthi bobot 28 ton lan dawa 26 mèter, ing pundi saged lumampah wonten ing kalih rèl ing sisih rèl ingkang sanès. Saben kréta gadhah kapasitas kanggé 158 panumpang (50 kursi lan 108 gantungan). Wonten ing taun 2005, sekawan kréta dipuntambah, lan sekawan ingkang sanè badhé nindakaken operasi ing wiwitan taun 2006, saperlu nyepetaken wekdal ingkang nengga dumugi 90 detik.
Boten kalebet jaringan ngandhap lemah Dorfbahn Serfaus, lan dugi pambuka jaringan Métro de Lausanne ing taun 2008, Rennes dados kutha paling alit ing donya kanggé ngoperasikaken sawijining jaringan métro, kanthi cacahing populasi 220,000 jiwa. Rata-rata, wonten 73,000 arus métro saben dinten; figur punika dipunprakirakaken samsaya mundhak dumugi 150,000 wonten ing kurun wekdal sapérangan taun candhakipun, ningkataken kamungkinan mandhaping kepadatan sadanguning jam sibuk.
Wonten ing Januari 2005, tiga lapangan parkir dipunyasa, nyamektakaken 900 slot parkir kanggé panganggo sepéda motor. Kalih ingkang sanès saweg dipunyasa, dipunprakirakaken saged nambah 700 slot malih ing taun 2006.
Tanggal 1 Maret 2006, sawijining kertu ingkang dipunsebut KorriGo dipundamel minangka suplemén sistem tikét kanggé ngrembakakaken lalu lintas métro lan jaringan bis kutha.
Jalur punika dipunrawata déning STAR (Société des Transports d'Agglomeration Rennais), lan dipunkelola déning Keolis (sawijining grup SNCF). Kanthi cacahing karyawan udakawis 100 tiyang.
Sawijining jalur kaping kalih, Jalur B, kanthi arah timurlaut dhateng baratdaya, dipunjadwalaken dipunbikak taun 2015.[2]
Stasiun
besut
- J.F. Kennedy
- Villejean-Université
- Pontchaillou
- Anatole France
- Sainte Anne
- République
- Charles de Gaulle
- Gares (persimpangan SNCF)
- Jacques Cartier
- Clemanceau
- Henri Fréville
- Italie
- Triangle
- La Blosne
- La Poterie
Cathetan suku
besut- ↑ (ing basa Prancis)http://www.star.fr/metro/index.html Archived 2006-01-14 at the Wayback Machine. STAR, Jaringan angkudan ing Rennes
- ↑ http://www.semtcar.fr/upload/gedit/1/fuseaumetro.jpg Archived 2005-10-12 at the Wayback Machine. Jalur metro kanggé taun 2015
- Rennes page Archived 2007-11-18 at the Wayback Machine. at UrbanRail.Net
| Wikimedia Commons duwé médhia ngenani Rennes Metro. |