Maison de Balzac
Maison de Balzac minangka sawijining musiyum griya wonten ing bekas papan dunungipun novelis Perancis Honoré de Balzac (1799-1850). Dumunung wonten ing arondisemen kaping 16 wonten ing 47, rue Raynouard, Paris, Perancis, lan dipunbikak saben dinten kejawi dinten prèi; regi mlebet dhateng griya dipungratisaken, nanging regi dipunparingaken kanggé paméran sawetawisipun.[1]
Griya ingkang modis punika, kanthi plataran lan kebonipun, dumunung wonten ing distrik pemukiman Passy caket kaliyan Bois de Boulogne. Mlajar saking krèdituripun, Balzac lajeng nyéwa tingkat ingkang paling inggil wiwit taun 1840-1847 sangandhaping ingkang gadhah, (Mr. de Breugnol). Dipunpasrahaken dhateng kutha Paris taun 1949, lan sapunika satunggal saking tiga musiyum karya tulis wonten ing kutha punika, sesarengan kaliyan Maison de Victor Hugo lan Musée de la Vie Romantique (George Sand). Minangka satunggaling papan dununngipun Balzac ingkang taksih jumeneng dumugi sapunika.[2]
Apartemèn gangsal (5) kamar Balzac dumunung wonten ing tingkat ingkang paling inggil, saking tigang tingkat, lan sapunika dipunbikak dumugi ing kebonipun. Wonten ing mriki piyambakipun nyunting La Comedie humaine lan nyerat sajumlah novèl ingkang saé piyambak karya piyambakipun, kalebet La Rabouilleuse, Une Ténébreuse Affaire, lan La Cousine Bette. Éwadéné furniture sang penulis dipunsadé sasampuning garwanipun séda, musiyum punika sapunika taksih wonten méja tulis lan kursi Balzac, cane turquoise déning Lecointe (1834), lan poci teh lan kopi ingkang kaparingaken Zulma Carraud taun 1832.[3]
Museum punika ugi gadhah sawijining daguerreotype Balzac taun 1842 déning Louis-Auguste Bisson, lukisan Balzac déning Paul Gavarni (circa 1840), lukisan pastel (circa 1798) ingkang gambar ibu Balzac Laure Sallambier (1778-1854), lukisan lenga (circa 1795-1814) bapakipun Bernard-François Balzac (1746-1829), lan lukisan abad kaping 19 déning seniman kondhang kalebet Paul Gavarni, Honoré Daumier, Grandville, lan Henry Bonaventure Monnier.
Wiwit taun 1971 tingkat dhasar griya isinipun pabukon manuskrip penulis, asli lan èdisi sajinis, ilustrasi, buku ingkang dipuntapakasmani Balzac, buku ingkang nyariosaken Balzac, lan buku lan kalawarta sanèsipun nalika samanten.
Griya punika ugi misuwur amargi kapanggihaken waja ingkang dipunidèntifikasi déning para pengrajin minangka bekas griya troglodit wiwit jaman Abad Pertengahan. Penggalian punika boten dipunbikak dhateng publik.
Uga delengen
besutCathetan suku
besut- ↑ http://www.paris-france.org/musees/Balzac/ Maison de Balzac
- ↑ http://www.frommers.com/destinations/paris/A25359.html Frommers description
- ↑ http://www.v1.paris.fr/en/visiting/SITE.ASP?SITE=02022 Archived 2008-05-25 at the Wayback Machine. Paris.fr description
- Paris.org description, with photographs Archived 2008-11-19 at the Wayback Machine.
- New York Times description
 | Artikel gegayutan musiyum iki minangka artikel rintisan. Kowé bisa ngéwangi Wikipédia ngembangaké. |