Matsutaké
| Matsutaké | |
|---|---|
| |
| Matsutake | |
| Klasifikasi ngèlmiah | |
| Karajan: | Fungi |
| Dhivisi: | Basidiomycota |
| Klas: | Agaricomycetes |
| Ordho: | Agaricales |
| Famili: | Tricholomataceae |
| Génus: | Tricholoma |
| Jeneng binomial | |
| Tricholoma matsutake | |
Matsutaké (Tricholoma matsutake（S.Ito et Imai）Sing.) utawi jamur pinus punika nama umum kanggé jamur mikoriza.[1] Jamur punika kalebet jamur langka saking génus Tricholoma familia Tricholomataceae.[1] Jamur mikoriza punika ugi dados jamur ingkang déréng saged dipundudidayakaken.[1] Kathah-kathahipun, jamur punika urip kanthi sakparan-paran wonten ing nagari Cina, Jepang, Koréa, Finlan, saha ing panggénan-panggénan sanèsipun ing saindenging donya.[1] Nalika nembé mangsa palastra, matsutaké tuwuh wonten ing alas-alas pinus.[1] Matsutaké limrahipun tuwuh wonten alas-alas ingkang wonten taneman pinus merah jepang, Tsuga diversifolia, pohon runjung Tsuga, saha Pinus pumila.[1] Kajawi punika matsutaké ugi asring tuwuh wonten ing wana ingkang dipuntuwuhi pinus ireng jepang.[1] Wonten ing panggénan-panggénan sanèsipun, mastsutaké ugi gesang nalika nembé mangsa udan Asia Timur.[1] Jamur punika gadhah miselium ingkang tuwuhipun rendhet sanget.[1] Suhu ingkang saé kanggé tuwuhipun miselium inggih punika kirang langkung 5-30℃, suhu ideal sakiwa-tengené 22-25℃, pH tanah ideal 4,5-5,5.[1] Wonten ing nagari Jepang, matsutaké punika kalebet panganan élit ingkang redinipun awis.[1] Jamur punika gandanipun wangi saha sedhep sanget.[1] Matsutaké limrahipun dipunpanggang wonten ing sandhuwuring geni nanging boten ngantos gosong.[1] Kajawi punika matsutaké ugi saged dipunmasak kaliyan wos, saéngga dipunwastani sega matsutaké utawi (matsutake gohan).[1] Kajawi punika matsutaké ugi saged dipun-ginakaken kanggé campuran dobinmushi (sup wonten teko).[1] Jamur matsutaké punika ugi dipunekspor wonten ing nagara-nagara sanès.[2]
Cathetan suku besut
| Artikel iki minangka artikel rintisan. Kowé bisa ngéwangi Wikipédia ngembangaké. |