Wikipédia

Mazda Familia

Mazda Familia ya iku salah sawijining jinis kendharaan awujud mobil sédan kulawarga kang diprodhuksi déning badhan usaha Mazda Motor Corporation saka Jepang.[1] Mazda Familia iki modhèlé ora mung kuwi-kuwi waé, nanging mobil jinis iki modhèlé ganti-ganti miturut generasi. Tekan saiki, yèn diitung wis ana wolung génerasi saka Mazda Familia ing antarané taun 1963 tekan taun 2003. Pabrik kang gawé mobil Mazda Familia iki maggon ana ing kutha Hiroshima, Jepang. Nanging, suku cadang mobil Mazda Familia dirakit ana ing pirang-pirang nagara ing donya.[2]

Mazda Familia
2003 Mazda 323 (BJ II) Protegé Shades sedan (2015-08-07) 01.jpg
ProdhusènMazda
Mangsa sajroning produksi1963–2003
Modhèl sawiséMazda Familia Wagon (BG generation, station wagon version)
Mazda3/Mazda Axela
Klas

Sajarah besut

Sadurungé gawé mobil jinis Mazda Familia, prodhusèn mobil Mazda saka Jepang ngetokaké mobil jinis Mazda 700 ing acara Tokyo Motor Show taun 1961. Mobil Mazda 700 kuwi jinis mobil kang bisa gawa penumpang. Sawisé prodhusèn Mazda ngetokaké mobil jinis Mazda 700, badhan usaha kuwi mau olèh begja amarga mobil jinis Mazda 700 kuwi bisa ditanggepi positip déning masarakat. Amarga kabegjan kuwi mau, prodhusèn Mazda banjur ngetokaké mobil jinis anyar. Mobil jinis anyar kuwi modhèlé dirancang dadi mobil sédan kang bisa amot kanggo kulawarga utawa Familia Sedan. Mobil jinis anyar saka Mazda kuwi dirancang supaya penumpang bisa duwé rasa kepénak nalika lagi numpak mobil. Saliyané kuwi, mobil sédan anyar saka Mazda iki duwé modhèl kang modhèren. Mobil mazda jinis sédan kulawarga kuwi mau banjur dirilis utawa metu ing pasaran donya sasi Oktober taun 1964 lan dijenengi Mazda Familia. Sawisé disebar ana ing pasaran, Mazda Familia bisa ngasilaké kauntungan cacahè 23 persèn. Prodhusèn Mazda banjur ngetokaké mobil modhèl Mazda Familia ing pirang-pirang jinis. Ing Dhésèmber 1964, mobil jinis Mazda Familia bisa ngasilaké kauntungan kang akèh lan prodhuksi taunan cacahé bisa tekan 10.000 unit mobil.[3]

Jinis besut

Génerasi kapisan besut

First generation
Mazda-FAMILIA-1st-generation01.jpg
Uga kasebutMazda 800/1000
Mangsa sajroning produksi1963.10–1968.02
PerakitanJapan: Hiroshima Assembly, Hiroshima
Wangun rangka
LayoutFR layout
Mesin
Let sumbu rodha2,190 mm (86.2 in)
Dawa3,700 mm (145.7 in)
Amba1,465 mm (57.7 in)
Bobot kothong720 kg (1,590 lb)
 
Mazda Familia 800 Pickup

Mobil Mazda Familia génerasi kapisan metu ing pasaran taun 1963 tekan 1968. Mazda Familia diprodhuksi kaping pisan ing taun 1963 déning Giorgetto Giugiaro. Giugiaro ya iku wong Itali kang kondhang amarga ahli ana ing babagan desain mobil. Mazda Familia ing génerasi kapisan mulané mung ana rong lawang lan dijenengi Familia Van. Banjur sawisé didesain manèh, mobil penumpang kang bisa kanggo kulawarga iki lawangé didesain cacahé papat. Mobil jinis sédan kanggo kulawarga iki metu lan didol ing pasar taun 1964 ing Jepang. Nalika metu ing pasaran, mobil iki laris banget lan akèh masarakat kang kepincut déning mobil Mazda Familia.[4] Mobil Mazda Familia metu ana ing pirang-pirang jinis modhèl lan jenengé béda-béda. Mesin kang digunakaké kanggo nyengkuyung lakuné mobil Mazda Familia duwé kapasitas 782 cc. Jinis mobil kuwi mau, kaya ta Familia (800) van lan wagon, sédan Familia 800, Familia 1000 van, Familia 1000 sédan, lan Familia 1000 coupe. Mobil-mobil jinis Mazda Familia kang metu ana ing génerasi kapisan duwé ukuran kang kurang luwih padha mung béda mesin lan desain mobil. Saliyané kuwi uga ana modhèl mobil Mazda Familia kang wujudé mobil sédan pickup. Mazda Familia kang wujudé sédan pick up kuwi mau metu ana ing taun 1967 lan dijenengi Mazda Familia 800 pickup.[4]

Génerasi kapindho besut

Second generation
Mazda 1000 4 door.jpg
Uga kasebut
  • Mazda 1000/1200/1300
  • Mazda R100
  • Mazda Marella
  • Kia Brisa
Mangsa sajroning produksi1967–1977
PerakitanJapan: Hiroshima Assembly, Hiroshima
Wangun rangka
LayoutFR layout
Mesin
  • 985 cc PC I4 (MP3/SP3)
  • 987 cc PB I4 (BPC/BPB)
  • 1169 cc TB I4 (BTA, pre-facelift)
  • 1272 cc TC I4 (MT2/ST2)
  • 982cc 10A rotary[7]
Let sumbu rodha2,260 mm (89.0 in)
2,340 or 2,465 mm (92.1 or 97.0 in) (pickup)[8]
Dawa3,845–4,160 mm (151.4–163.8 in)
Amba1,480 mm (58.3 in)
Bobot kothong865 kg (1,907 lb)

Mobil Mazda Familia génerasi kapindho metu ing pasaran taun 1967 tekan 1977. Mazda Familia génerasi kapindho wiwit diprodhuksi ing taun 1967 lan wiwit didol ing Nopèmber 1967. Ing génerasi kapindho iki, prodhusèn Mazda ngetokaké jinis Mazda Familia kang béda kaya déné génerasi kapisan. Awak utawa rangka mobil diganti nganggo piranti kang luwih apik lan modhèren. Jinis mobil Mazda Familia kang kalebu génerasi kapindho, ya iku Familia Rotary/R100, Mazda Grand Familia/Savanna. Mobil-mobil génerasi kapindho migunakaké mesin kang wis luwih maju lan apik tinimbang mesin kang digunakaké ing mobil génerasi kapisan. Mesin kang digunakaké ing mobil-mobil génerasi kapindho bisa lumaku 180 km/jam amarga nganggo mesin R100. Ing génerasi kapindho, salah sawijining mobil jinis Mazda Familia digunakaké kanggo kagiyatan balapan nalika taun 1969 ing acara balapan mobil Grand Prix Singapura lan menang. Saliyané kuwi, mobil Mazda familia génerasi kapindho uga wis dianggo ana ing sirkuit nagara-nagara ing Éropa lan Afrika Kidul.[9]

Génerasi telu besut

Mobil Mazda Familia génerasi telu metu ing pasaran taun 1977 tekan 1980. Mobil génerasi telu iki diprodhuksi nalika iklim ing donya lagi kurang apik lan ana prastawa rega minyak ing donya lagi larang. Mazda Familia kang metu ana ing génerasi telu iki kanggo ganti mobil sajinis ing génerasi loro, ya iku mobil Grand Familia. Mobil Mazda Familia génerasi telu wiwit metu ing pasaran sasi Januari 1977. Mobil kang metu ing génerasi telu duwé modhèl lawang cacahé telu lan lima. Saliyané kuwi, mobil Mazda Familia ing génerasi telu uga luwih kepénak nalika ditumpaki lan nganggo tèknologi kang luwih maju.[9]

Génerasi papat besut

Mobil génerasi papat metu ing pasaran nalika kahanan ékonomi ing donya wis wiwit apik lan rega minyak ing donya wis ora parah, ya iku taun 1980. Mobil ing génerasi papat uga kasebut Familia/323. Ing génerasi papat iki, prodhusèn Mazda duwé targèt pasar, ya iku wong-wong nom. Saliyané kuwi, mobil génerasi papat uga duwé modhèl kang kuwalitasé apik lan dhuwur. Saka kuwalitasé kang luwih apik kuwi mau, mobil génerasi papat iki laris ing pasaran cacahé 1 yuta unit.[9]

Génerasi lima besut

Ing génerasi lima, prodhusèn Mazda saya suksès anggoné nyiptakaké jinis mobil kulawarga. Taun 1985, ana mobil jinis anyar saka Mazda Famila, ya iku Ford Laser. Mobil jinis Ford Laser didol ing pasar Asia Pasifik. Modhèl kang metu ana ing génerasi lima iki luwih sporty lan apik. Jinis mobil kang metu ing génerasi lima, kaya ta Familia 323 lan GT-X 3. Lawang kang digunakaké kanggo Mazda Familia génerasi lima kang kapisan metu ing pasaran, ya iku jinis lawang kang cacahé loro.[10]

Génerasi enem besut

Mazda Familia génerasi enem metu kapisan ing pasaran sasi Januari 1985. Kuwalitas mobil kang didol ing génerasi enem kuwi luwih apik tinimbang mobil-mobil jinis Mazda Familia ing génerasi-génerasi sadurungé. Mazda Familia ing génerasi enem duwé jejuluk mobil kulawarga kang kuwalitasé dhuwur ing donya amarga gayané kang apik lan sporty. Saliyané kuwi, Mazda Familia uga apik amarga lakuné kang alus. Mazda Familia génerasi enem uga didol ing pasar Cina lan nduwèni jeneng Haima CA6430/CA7130/CA7160.[11]

Génerasi pitu besut

Mobil génerasi pitu kapisan metu ing pasaran taun 1994 lan mandeg prodhuksi nalika taun 1998. Mobil génerasi pitu iku duwé modhèl kang apik lan dadi mobil kang paling digolèk ing Éropah. Jinis mobil ing génerasi pitu iki dijenengi Astina. Astina duwé lawang kang cacahé lima. Mazda Familia ing génerasi pitu duwé jeneng kang béda-béda ing saben dhaérah ing donya. Mazda Familia Neo ing New Zealand lan Mazda Lantis ing Ostrali, New Zealand, lan Afrika Kidul.[12]

Génerasi wolu besut

Mobil Mazda génerasi wolu dadi mobil kang paling kèri diprodhuksi déning prodhusèn mobil Mazda. Mobil génerasi wolu wiwit metu ing taun 1998 tekan taun 2003. Mobil kulawarga ing génerasi wolu iki duwé disain interior kang luwih amba lan bisa nanggung kaslametan penumpang luwih gedhé.[13]

Ing Indonésia besut

Mazda Familia digawa ing Indonésia déning PT Mazda Indonésia Manufacturing. Mazda lumebu ing Indonésia kurang luwih ing taun 1960, nanging ing taun kuwi durung lumebu mobil jinis Mazda Familia. Mazda Familia lumebu ing Indonésia taun 1995. Nalika kuwi, mobil jinis familia kang ana ing Indonésia ya iku Mazda 323 Lantis. Mobil jinis kuwi mau dadi mobil kang Mazda Familia kang paling laris ing Indonésia amarga modhèlé lan mesiné kang apik, ya iku nganggo mesin kang kapasitasé 1800 cc.[14]

Rujukan besut

  1. ↑ GridOto.com. "Mengenal Mazda Familia: Tahun 1999 Di Kisaran Rp 56-58 Juta - GridOto.com". otomotifnet.gridoto.com (ing basa Indonesia). Dibukak ing 2020-02-20.
  2. ↑ GridOto.com. "Mengenal Sejarah Mazda, Ternyata Awalnya Adalah Produsen Wine - GridOto.com". otomotifnet.gridoto.com (ing basa Indonesia). Dibukak ing 2020-02-20.
  3. ↑ "Familia Sedan changes the course of sedan history". Mazda. Dibukak ing 2020-02-20.
  4. ↑ a b "Greats Car of Mazda". Mazda. Dibukak ing 2020-02-21.
  5. ↑ Sales brochure for Mazda Familia Rotary Coupe at my.reset.jp Archived 2017-08-03 at the Wayback Machine.. Retrieved 26 July 2011
  6. ↑ Mazda Familia Pickup at japanesenostalgiccar.com. Retrieved 26 July 2011
  7. ↑ Mazda Familia Rotary, 1968–1973 at www.carsinpictures.com. Retrieved 26 July 2011
  8. ↑ ファミリア1300トラック (Catalog) [Familia 1300 Truck], Toyo Kogyo Co, June 1977, 7706T
  9. ↑ a b c "Familia Part 2: Second-to Fourth-Generation Models". Dibukak ing 2020-02-21.
  10. ↑ "MAZDA: Mazda's History of Car of the Year Japan Awards | External evaluation". www.mazda.com. Diarsip saka sing asli ing 2019-12-22. Dibukak ing 2020-02-22.
  11. ↑ "The sixth-generation Familia refined and evolved the COTY award-winning previous model". Mazda. Dibukak ing 2020-02-22.
  12. ↑ "The popular seventh-generation included a new five-door hatchback model — The Astina". Mazda. Dibukak ing 2020-02-22.
  13. ↑ "The eighth-generation Familia aimed to create a new global standard for small cars". Mazda. Dibukak ing 2020-02-22.
  14. ↑ developer, medcom id (2016-10-17). "Sejarah Perjalanan Mazda di Indonesia". medcom.id (ing basa Indonesia). Dibukak ing 2020-02-22.
Dijupuk saka "https://jv.wikipedia.org/w/index.php?title=Mazda_Familia&oldid=1646301"