Memori komputer

Memori (luwih sok karan memori fisik) ya iku istilah generik kang nunjukaké médhia nyimpen data ning piranti komputer. Nggal program lan data kang wis diproses déning prosesor bakal disimpen ning memori fisik. Data kang disimpan ning memori fisik iku sipaté sementara, amarga data kang disimpan ning sajeroné iku bakal kesimpen manawa komputer mau esih dialiri daya. Nanging nalika komputer iku direset utawa dipateni, data kang kasimpen ning memori fisik bakalan ilang. Mula iku, sadurungé matèni komputer, kabèh data sing durung disimpan ing médhia kanggo nyimpanan permanen (berbasis disk, kaya ta hard disk utawa floppy disk). Memori fisik lumrahé dhapuré Random Access Memory (RAM), kang duwé sipat dinamis (DRAM).

Carané migunakaké memori

Komponèn utama ning sistem komputer ya iku Arithmetic and Logic Unit (ALU), Control Circuitry, Storage Space lan piranti Input/Output. Tanpa anané memori, komputer namung duwé guna kanggo mroses sinyal digital, tuladhané kalkulator atawa médhia player.

Memori bisa kanggo nyimpen data, instruksi lan informasi iku sing gawé komputer bisa karan komputer multi-fungsi (general-purpose). Komputer kagolong piranti digital, mulané informasiné iku dhapuré sistem bilangan biner (binary). Teks, angka, gambar, suwara lan video dikonversikaké dadi kumpulan bilangan biner (binary digit atawa disingkat bit). Kumpulan bilangan biner luwih kondhang karo istilah BYTE, ya iku 1 byte = 8 bits. tambah gedhé memoriné tambah akèh uga informasi kang bisa disimpen ning sakjeroné komputer (médhia kanggo nyimpen).

Jinis-jinis memori

Jinis memori kang akèh dimigunakaké masarakat, ya iku:

Register prosesor
RAM utawa Random Access Memory
Cache Memory (SRAM) (Static RAM)
Memori fisik (DRAM) (Dynamic RAM)
Disket
CD-ROM
Memori yang hanya dapat dibaca atawa ROM (Read Only Memory)
Flash Memory
Punched Card (kuna)
CD utawa Compact Disk
DVD

Pérangan memori

Arsitektur komputer kaya ta arsitèktur von Neumann, kapasitasé lan cepeté memori bisa dibedakaké migunakaké hierarki memori. Hierarki iki digawé saka jinis memori kang paling cepat nganti kang paling lelet; digawé saka kang paling cilik kapasitasé nganti gedhé dhéwé kapasitasé; lan diurutaké saka rega nggal bit memoriné, wiwit saka kang paling dhuwur (larang) nganti kang paling andhap (murah).

Rujukan

Memori Komputer Archived 2011-08-11 at the Wayback Machine.