Midodareni

Midodareni utawa midodaren yaiku saka tembung widadari. Malem midodareni yaiku malem para widadari mudhun saka suwarga. Ana ing malem midodareni iku ana pangarepan supaya calon penganten putri ayu kaya widadari. Ing malem midodareni calon pengantin putri ana ing jero kamar pengantin. Ora éntuk ana sing nemoni penganten putri ana ing kamar kajaba tamu lan sadulur wadon.^[1]

Prosesi Malem Midodareni

Ing malem midodareni ana urutan prosesiné, yaiku:

Jonggolan utawa nyantri yaiku penganten putra teka menyang omahé calon mertua. 'Njonggol' duwé teges ngetoke awak, yaiku duwé tujuan kanggo nunjukaké manawa penganten putra séhat lan slamet uga wis mantep arep nikahi putriné.
Tantingan yaiku nakokaké marang pengantin putri babagan kemantepan atiné kang arep nikah.
Catur Wedha yaiku wejangan saka bapak mertua kanggo penganten putra. Catur wedha iki isiné papat pedoman urip, supaya kanggo sangu penganten anggoné omah-omah.
Wilujeng Majemukan yaiku silaturahmi kulawarga penganten putra uga penganten putri. Iki duwé makna kulawarga wis mantep anggonené besanan. Banjur ibu penganten putri awèh angsul-angsul kang wujudé panganan.^[2]

Cathetan sikil

↑ "midodareni". Diarsip saka sing asli ing 2013-09-01. Dibukak ing 2013-01-13.
↑ "susunan acara midodareni". Diarsip saka sing asli ing 2013-01-14. Dibukak ing 2013-01-29.

[1] "midodareni". Diarsip saka sing asli ing 2013-09-01. Dibukak ing 2013-01-13.

[2] "susunan acara midodareni". Diarsip saka sing asli ing 2013-01-14. Dibukak ing 2013-01-29.

[1]

[2]