Mie ayam
Aksara Latin
|
Mi ayam ya iku panganan awujud mi dicampur iwak pitik sing wis dibumboni. Panganan iki diolah kanthi digodhog lan disajekaké nalika isih panas. Mi ayam iki minangka jajanan kang asring ditemoni ing pinggir dalan.
 Mi ayam ing mangkok | |
| Jeneng liyané | Mi pitik, Bakmi ayam |
|---|---|
| Jinis | Godhogan |
| Ajangan | Mangan utama |
| Panggonan asal | Indonésia |
| Hawa ajangan | Panas |
| Woworan pokok | Mi, Iwak pitik, sawi ijo, bumbu |
| Variasi | Mi ayam duduh kacampur lan mi ayam duduh kapisah |
 Buku masakan: Mi ayam  Médhia: Mi ayam | |
Jinis besut
Manèka tlatah duwé tetenger kang kas ing olahan mi ayam iki. Tuladhané Mi ayam Surabaya iku disajekaké mawa duduh kang kapisah saka mi lan iwak pitiké. Iki duwé ancas supaya para wong mangan bisa nemtokaké dhéwé kepingin duduh kang akèh utawa sethithik utawa malah ora nganggo duduh babar blas. Ing tlatah Surakarta duduh mi ayam disajekaké bareng karo mi lan duduhé luwih kenthel, wernané kasoklatan lan rasané legi. Beda karo duduh mi ayam Surabaya sing bening.
Mi ayam gaya Jakarta lan sabagean kutha Jawa kulon migunakaké pangsit goreng ing duwuré. Pangsit iki digoreng nganti kemripik. Manèka topping uga kadhangkala ditambahake ing mi ayam tuladhané jamur, cèkèr pitik, godhong brambang, bawang goreng.
Cara nggawé besut
Cara nggawé mi ayam ora angèl, lan bisa disinaoni. Nggawé panganan iki ya kuwi:
Mi besut
- 250 gr glepung terigu
- 50 gr glepung tapioka (pathi)
- 100 ml banyu putih
- 1 sendhok tèh uyah
- 2 endhog pitik
Janganan besut
- Sawi sendhok 1 unting
- Godhong brambang 1 lonjor
Olahan iwak besut
- Iwak pitik tanpa balung 250 gram
- Bawang 3
- Brambang 5
- Laos 1 driji
- Jaé 1 driji
- Lombok abang sak senengé
- Kunir sethithik
- Kécap legi 5 sendhok pangan
- Kécap asin 3 sendhok pangan
- Godhong salam 3 lembar
- Mrica 1 sendhok tèh
- Uyah 1 sendhok tèh
- Gula 2 pasir sendhok tèh
Ngolah besut
- Suntak kabèh woworan mi ing tembor gedhé.
- Ulèni adhonan iku nganti kalis.
- Menawa wis kalis, sèlèhaké menyang gilingan mi.
- Giling adhonan nganti entek, menawa mi wis metu bisa dikepyuri glepung tapioka supaya ora kelèt.
- Godhog banyu ing manci nganti umub.
- Cemplungaké mi ing banyu panas.
- Tunggu nganti mi kemambang banjur di entas.
- Cemplungaké sawi ijo lan godhong brambang.
- Entas janganan iku.
- Rajang iwak pitik dadi kothak-kothak.
- Uleg kabèh bumbu nganti lembut.
- Cepakaké wajan lan lenga gorèng.
- Osèng bumbu menyang wajan.
- Udhak-udhak banjur tambahaké banyu putih.
- Cemplungaké iwak pitik lan tutup.
- Udakara 15 menit banjur dientas.
- Cepakaké mangkok lan tata mi lan sawi.
- Wènèhi iwak lan duduhé.
- Kepyuri brambang goreng lan tambahi pangsit.
- Mi ayam wis bisa disajèkaké.