[[Gambar:cibulan.jpg|thumb|250px|Kolam ing Pemandian Cibulan]]
'''Cibulan''' punika satunggaling objèk wisata ingkang awujud pemandian kanthi [[toya]] ingkang adhem ing wewengkon lèrèng [[Gunung Ceremai|Gunung Ciremai]], [[Kabupatèn Kuningan]], [[Jawa Barat|Jawa Kulon]]<ref name="cibulan1">{{id}} [http://www.antarajawabarat.com/lihat/berita/39243/pemandian-cibulan-dipadati-pengunjung Pemandian Cibulan dipadati pengunjung]<small> (dipun''akses'' tanggal 21 Januari 2013) </small></ref>. Papan pariwisata punika kalebet satunggaling papan pariwisata paling tua ing [[Kuningan]] <ref name="cibulan2">[http://travel.detik.com/read/2012/02/24/134616/1850779/1025/misteri-ikan-dewa-di-cibulan Misteri Ikan dewa di Cibulan] <small> (dipun''akses'' tanggal 21 Januari 2013)</small>.</ref>. Objèk wisata punika resmi ing tanggal 27 [[Agustus]] 1939 déning Bupati Kuningan kala punika, ya iku R.A.A. Mohamand Achmad <ref name="cibulan2" />. Minangka cathetan objek wisata sanès ingkang wonten ing Kuningan inggih punika [[Kolam Linggarjati]] ing komplèks Taman Linggarjati Indah, Kacamatan [[Cilimus]] ; [[Kolam Cigugur]] ing Kacamatan [[Cigugur]]; lan [[Kolam Darma Loka]] ing Kacamatan [[Darma]].
== Sejarah ==
Miturut cariyos ingkang wonten ing kalangan masarakat Désa [[Maniskidul]] lan masarakat Kuningan, ulam déwa ingkang wonten ing kolam Cibulan punika rumiyinipun prajurit-prajurit ingkang boten setya kalihan pamaréntahan [[Prabu Siliwangi]] <ref name="cibulan3">{{id}} [http://www.wisatamelayu.com/id/tour/760-Pemandian-Cibulan/navgeo Pemandian Cibulan]<small> (dipun''akses'' tanggal 21 Januari 2013)</small>.</ref>. Lajeng prajurit kasebut dipuntumak déning Prabu Siliwangi saéngga dados [[iwak|ulam]]. Wonten mitos malih bilih ulam ingkang wonten ing kolam punika saking rumiyin dumugi sapunika boten kirang lan boten nambah dados ajeg mekaten kemawon. Menawi [[kolam]] dipunkuras, ulam-ulam punika ical boten ngertos dhateng pundi, anaging menawi kolam sampun dipunisi [[toya]] banjur kondur malih kados mula buka.
