Mongolia: Béda antara owahan

'''Mongolia''' ([[basa Mongol]]: Монгол Улс) iku [[nagara]] sing kakurung dharatan ing [[Asia Wétan]], wewatesan karo [[Rusia]] ing sisih lor lan [[Républik Rakyat Tiongkok|Tiongkok]] ing sisih kidul. Mongolia minangka pusat [[Kakaisaran Mongol]] ing [[abad kaping-13]], ananging dikuwasai déning [[Dinasti Qing]] wiwit pungkasan [[abad kaping-17]] nganti sawijining pamaréntah mardika kawangun kanthi bantuan [[Uni Soviet]] ing taun [[1921]]. Sawisé [[karuntuhan Uni Soviet]], Mongolia nganut aliran [[dhémokrasi]]. Kanthi jembar wewengkon sing padha karo [[Alaska]], sebagéyan gedhé wewengkon Mongolia nduwèni lemah sing [[gersang]]: racaké wewengkon arupa ara-ara [[suket]], kanthi pagunungan ing bagéyan kulon lan lor lan [[Ara-ara Gobi]] ing sisih kidul. Mayoritas padunung saka ètnis [[Suku Mongol|Mongol]] sing nganut agama [[BuddhaBuda Tibet]] kanthi cara kauripan [[nomad]].