[[Gambar:Lief Java keroncong division.jpg|thumbnail|Liev Java Orchestra ing Betawi, 1936|left]]
Sebutan "Kroncong" dinuga sekasaka suara krincingan ''krincing rebana''. Swara iki keprungu dadi latar sing ngreroncé swara instrumèn liyané, nalika tabuh lerem utama mlaku. Thuthukan swarané luwih rikat tinimbang swara panembang (penyanyi) lan mélodi. Lelagon kroncong iki diracik, lumrahé, nganggo [[cak]], [[cuk]], [[sélo]], [[gitar]], lan [[kontra bass]]. Cak lan cuk digunakaké kaya déné ricikan ing [[gamelan]]. Ing jaman wiwitan kroncong, nganggoné ''[[cavaquinho]]'', gitar cilik nganggo senar waja papat. ''Cavaquinho'' banjur diréka dadi ''[[prounga]]'' (senar telu nganggo nilon) kanthi swara cendhèk. ''Cavaquinho'' uga diréka nganggo senar nilon papat kanthi swara dhuwur.<ref>{{cite web|title=‘Keroncong’: Freedom music from Portuguese descendants|url=http://www.thejakartapost.com/news/2011/06/15/%E2%80%98keroncong%E2%80%99-freedom-music-portuguese-descendants.html|work=The Jakarta Post|publisher=PT. Bina Media Tenggara|accessdate=11 June 2012|date=16 Juni 2011}}</ref>
"Cak", sing senaré papat, dipetik nganti wolung (8) petikan saben sa thuthukan ing [[wirama]] 4/4. Ana kalané nganggo senggakan. "Cuk", sing senaré telu, metik kanthi cara [[arpeggio]] lan [[tremolo]] migunakaké [[plèktrum]] kanthi ngukuhaké pas thuthukan. Cak lan cuk bebarengan ngisi, sesautan nyawiji kaya déné swara "kron" lan "cong."
Sélo sing kanggo ing kroncong bisa nganggo sing senaré telu. Senar nilon dipetik kanthi rikat utawa migunakaké bethotan sekasaka jiwitan jempol lan driji. Swara gitar ngiringi cak lan cuk kanthi gegayuhan skala swara sing luwih dawa. Gitar nggenepi [[chord]] utawa wot-wotan ''(bridge)'' lagu. Bass nambahi gayeng kanthi cara kaya déné [[gong ageng]] ing gamelan.
Ing piranti musik sing nyuwara mélodi, ana penyanyi, [[suling]], lan [[biola]]. Biola lan suling ana kalané dadi bebuka lagu.
