'''Mongolia''' ([[basa Mongol]]: Монгол Улс) iku [[nagara]] singkang kakurung dharatan ing [[Asia Wétan]], wewatesan karo [[Rusia]] ing sisih lor lan [[Républik Rakyat Tiongkok|Tiongkok]] ing sisih kidul. Mongolia minangka pusat [[Kakaisaran Mongol]] ing [[abad kaping-13]], nanging dikuwasai déning [[Dinasti Qing]] wiwit pungkasan [[abad kaping-17]] nganti sawijining pamaréntah mardika kawangun kanthi bantuan [[Uni Soviet]] ing taun [[1921]]. Sawisé [[karuntuhan Uni Soviet]], Mongolia nganut aliran [[dhémokrasi]]. Kanthi jembar wewengkon singkang padha karo [[Alaska]], sapérangan gedhé wewengkon Mongolia duwé lemah singkang [[gersang]]: racaké wewengkon arupa ara-ara [[suket]], kanthi pagunungan ing pérangan kulon lan lor lan [[Ara-ara Gobi]] ing sisih kidul. Mayoritas singkang ndunungi saka ètnis [[Suku Mongol|Mongol]] singkang nganut agama [[Buda Tibet]] kanthi cara kauripan [[nomad]].