'''Ilat''' iku kumpulan [[otot rangka]] ing pérangan dhasar [[tutuk]] singkang bisa mbantu pancernaan [[panganan]] kanggo mamah lan ngulu. Ilat minangka indera pangecap singkang duwé struktur [[tunas pangecap]]. Ilat uga mèlu mbantu kanggo wicara.
Struktur liya singkang magepokan karo ilat kerep karan ''lingual'', saka [[basa Latin]] ''lingua'' utawa ''glossal'' saka [[basa Yunani]], γλωσσα.
== Struktur ==
Sapérangan gedhé, ilat kasusun saka otot rangka singkang nèmpèl ing [[balung hyoideus]], [[balung rahang ngisor]] lan [[processus styloideus]] ing [[balung pilingan]]. Ana rong jinis [[otot]] ing ilat yakuwi otot ekstrinsik lan intrinsik.
Ilat duwé lumah singkang kasar amarga anané tonjolan singkang diarani papila. Ana telung jinis papila ya iku:
# papila filiformis (''fili''=benang); awangun kaya benang alus;
# papila sirkumvalata (''sirkum''=bumder); awangun bunder, kasusun kaya aksara V ing samburiné ilat;
# papila fungiformis (''fungi''=jamur); awangun kaya [[jamur]].
Ana siji jinis papila singkang ora ana ing manungsa, yakuwi papila folliata singkang ana ing ilat [[kéwan pangerat]].
[[Tunas pangecap]] iku pérangan pangecap singkang ana ing pinggir papila, dumadi saka rong sèl ya iku sèl penyokong lan sèl pangecap. Sèl pangecap duwé fungsi minangka reseptor, déné sèl penyokong duwé fungsi kanggo nopang.
