Kapuloan Galapagos: Béda antara owahan

'''Kapuloan Galápagos''' utawa '''Galapagos''' waé iku nagara [[kapuloan]] singkang kapérang saka 13 pulo-pulo mawa geni lan wewaton singkang ana ing [[Samodra Pasifik]] watara 1.000 kilomèter sisih kulon pasisir [[Amérika Kidul]].

Sacara pulitis, Galapagos arupa péranganing [[Ekuador]]. Pulo paling tuwané umuré watara 4 yuta taun lan singkang paling enom isih sajeroning prosès pambentukan. Galapagos pancèn arupa salah siji laladan [[gunung geni]] singkang paling aktif ing donya.

Galapagos misuwur amarga gunggung [[spésies endemis]]é singkang gedhé lan panlitèn singkang dilakokaké déning [[Charles Darwin]] singkang nggawa panjenengané nemu téyori [[selèksi alam]].

Galapagos dikukuhaké minangka [[cagar alam]] taun [[1959]], ngreksa 97,5% wewengkon kapuloan iki. Sisané diwènèhaké marang pamukiman manungsa singkang wis ana wektu iku. Watara 1.000 nganti 2.000 wong manggon ing kana. Taun [[1972]] sawijining sènsus dilakokaké lan 3.488 jiwa kacathet. Tekan taun [[1980-an]], gunggung iki wis mundhak nganti 15.000 wong.

Taun [[1986]] lautan ing saubengé ditélakaké minangka [[cadhangan kalautan]]. [[UNESCO]] ngukuhaké Galapagos minangka [[Situs Warisan Donya UNESCO|Situs Warisan Donya]] taun [[1978]] singkang banjur ''diperpanjang'' nalika Dhésèmber [[2001]] kanggo nglebokaké wewengkon cadhangan kalautan. Yayasan Charles Darwin singkang didhèdikasikaké kanggo njaga kapuloan iki diyasa ing [[Bèlgi]] taun [[1959]].

Spesies singkang wigati kalebu:

* Iguana laut, ''Amblyrhynchus cristatus'' (siji-sijiné jinis iguana singkang mangan panganan saka laut)

* [[Bulus]] Raksasa Galapgos, ''Geochelone elephantopus'', ditepungi minangka Galápago sajeroning [[basa Spanyol]], iku kéwan singkang dadi asal jeneng kapuloan iki.

* [[Manuk laut]] singkang ora mabur, ''Nannopterum harrisi''