[[Gambar:Ludmilla-H0-TT-N.jpg|thumb|Sepur modèl adhedhasar lokomotif (''[[DR Séri 130|Ludmilla]]'') singkang padha nanging mawa skala singkang béda-béda, ya iku H0, TT lan N. Ing kéné katon manawa skala TT iku persis antarané H0 lan N]]
'''Skala TT''' iku sawijining skala ing [[sepur modèl]]. TT iku cekakan saka table top singkang tegesé dhuwur méja. Dadi karepé sawijining ''layout'' sepur-sepuran bisa dipasang sadhuwuring méja. Skala TT iku ukurané 1:120. Ambané jalur ril ana 1,2 cm. Sing kapisan ngripta skala iki ya iku Hal Joyce saka Amérika Sarékat. Nanging skala iki saiki namung populèr ing Éropah. Mliginé ing Jerman sisih wétan, Éropah wétan lan Ruslan. Ukuran skala iki kurang luwih antara [[skala H0]] (1:87) lan [[skala N]] (1:160).
Produsèn gedhé sajeroning skala iki [[Tillig]] lan [[Roco]]. [[Piko]] wiwit sawetara taun uga wis produksi akèh sepur-sepuran ing skala iki. Skala iki ing Jerman uga kerep diarani ''die Spur der Mitte'' singkang tegesé 'sepur tengahan'.<ref>http://www.aktt.de/cms/jupgrade/index.php/baugroesse-tt/haeufige-fragen</ref> Karepé skala iki tengah-tengahan antara skala H0 lan N saha ndarbèni sisih positif manawa détailé isih cukup, kamangka wong ora mrelokaké papan singkang amba kaya kanggo H0.
== Babad skala TT ==
Skala TT iku diciptakaké déning Hal Joyce saka Indiana ing taun 1946 lan banjur dipasaraké Firma H.P. Products singkang wis ngadeg wiwi taun 1945. Ing Jerman skala TT dadi ditepungi déning Firma Rokal ing Kulon lan déning Firma Zeuke & Wegwerth ing Wétan. Sawisé Rokal bangkrut taun 1960-an, skala TT dadi sirna ing Jerman Kulon. Ing Jerman Wétan lan nagara-nagara COMECON Zeuke & Wegwerth dadi saya ngrembaka. Badan usaha iki ndarbèni 800 buruh lan pagawé ing Berlin. Sawisé Zeuke & Wegwerth dinasionalisasi taun 1972, jenengé VEB Berliner TT-Bahnen (BTTB). Sawisé Jerman manunggal manèh taun 1990, firma singkang dinasionalisasi kanthi paksa iki, dibalèkaké manèh marang Zeuke. Banjur bangkrut taun 1993 lan dituku déning Tillig saka Sachsen. Nganti saiki firma iki singkang gedhé dhéwé lan asortimèn singkang pepak dhéwé.
