"Muhammad" sajeroning [[basa Arab]] tegesé "singkang pinuji". [[Muslim]] percaya yèn ajaran Islam singkang diasta déning Muhammad arupa nyampurnani agama-agama singkang diasta déning nabi-nabi sadurungé. Kaum Muslim ngaturi kanthi gelar '''''Rasul Allāh''''' (رسول الله), lan nambahaké kalimat ''Shalallaahu 'Alayhi Wasallam'' (صلى الله عليه و سلم, singkang tegesé "muga-muga Allah maringi kabagjan lan kasalametan marang panjenegané"; singkang kerep dicekak dadi "S.A.W" utawa "SAW"). Saliyané iku [[Al-Qur'an]] sajeroning [[Surat As-Saff]] (QS 61:6) nyebut Muhammad kanthi jeneng "'''Ahmad'''" ('''أحمد'''), singkang sajeroning basa Arab uga duwé makna "pinuji".
== Riwayat ==
=== Lair ===
{{utama|Mulud Muhammad}}
Para panulis ''sirah'' ([[biografi]]) Muhammad lumrahé sarujuk yèn Muhammad bin Abdullah iku lair ing [[Taun Gajah]], ya iku taun [[570]] Masehi.Diarani taun gajah kèrana nalika Muhammad lair iku ana kedadian yèn ka'bah arèp di ancurke karo tèntara gajah séng di pimpin karo rajané ya iku ratu Abrahah, nanging kèdadian kui ora sida amèrga gusti Allah ngutus manuk séng jènèngè Ababil supaya mudun saka langit karo gawa watu kèrikil séng di jikuk saka nèraka supayané dibalangké maréng tèntara gajah mau. Muhammad miyos ing kutha Mekkah, sisih kidul Jazirah Arab. Nalika iku, Arab isih kalebu panggonan singkang durung maju, adoh saka punjer niaga, seni, utama ngèlmu. Ramané, [[Abdullah bin Syaibah|Abdullah]]<ref>Abdullah bin [[Syaibah bin Hâsyim|Abdul-Muththalib]] bin [[Hâsyim bin Abdul-Manâf|Hâsyim]] bin [['Abd al-Manâf bin Qushay|'Abd al-Manâf]] bin [[Qushay bin Kilab|Qushay]] bin Kilab bin Murrah bin Ka'b.</ref>, tilar donya ing marganing niaga nalika ing [[Yatsrib]] kamangka Muhammad isih anèng sajeroning kandhungan. Ingkang rama marisaké unta lima, domba, lan batur tukon wadon singkang jenengé [[Ummu Aiman]] singkang samengko nggulawentah Nabi.<ref name="ar-Risalah">Subhani, Ja'far. ''Ar-Risalah: Sejarah Kehidupan Rasulullah SAW''. Jakarta: Penerbit Lentera, 2002. ISBN 979-8880-13-7</ref>
Ing umur enem taun, ibuné - [[Aminah binti Wahab]] - ngajak menyang [[Yatsrib]] ([[Madinah]]) tilik sadulur karo nyekar ing saréyan ingkang rama. Nalika pas mulih, ingkang ibu dhawah gerah. Sawetara dina sabanjuré, [[Aminah binti Wahab|Aminah]] tilar donya ing Abwa' singkang panggonané ora adoh saka [[Yatsrib]]. Aminah dikubur ing kana.<ref name="Lings">Lings, Martin. ''Muhammad: Kisah Hidup Nabi berdasarkan Sumber Klasik''. Jakarta: Penerbit Serambi, 2002. ISBN 979-3335-16-5</ref> Sawisé ditinggal ibu,Muhammad dijaga simbah, [[Abdul Muththalib]].
