|
'''Cublak-cublak suweng''' iku sawijining [[tembang dolanan]], ya iku jinis [[tembang]] singkang prasaja, biyasa ditembangaké déning [[bocah cilik|bocah-bocah cilik]], mliginémligi ing padésan, sinambi dolanan bebarengan karo kanca-kancané. Lumantar lagu dolanan, bocah-bocah kawanuhaké bab [[sato kéwan]], sato iwèn, thethukulan, [[tetanduran]], bebrayan, lingkungan [[alam]], lan sapanunggalané.<ref>[http://ki-demang.com/index.php?option=com_content&task=view&id=481&Itemid=1 Ki Demang: Tembang dolanan wonten ing satengahing globalisasi]</ref>
Kadhang kala [[tembang]] dolanan uga ditembangaké déning waranggana sajeroning swasana tinamtu ing pagelaran [[wayang kulit]].
==Dolanan cublak-cublak suweng==
Dolanan iki diarani cublak-cublak suweng amarga nalika dolanan singkang dicublek-cublek iku [[suweng]]. Dolanan iki biyasa dianakaké wanci soré utawa wengi nalika padhang bulan, ing èmpèran kang jembar. Dolanan cublak-cublak suweng iki ora ngerti saka endi sangkané, nanging dolanan iki misuwur banget ing provinsi [[Jawa Tengah]].
==Carané dolanan cublak-cublak suweng==
Dolanan iki bisa dilakokake déning bocah 5 utawa 7, racaké bocah umur 6-14 taun. Dolanan iki bisa katindakake déning bocah lanang utawa wadon. Sing diperlokake ing dolanan cublak-cublak suweng ya iku [[suweng]], nanging yèn ora ana [[suweng]] bisa diganti nganggo [[krikil]]. Saliyané suweng utawa krikil, dolanan iki uga diiringi [[tembang dolanan]].
Saumpama singkang dolanan cacahé 7( A, B, C, D, E, F, lan G). Bocah 7 iku banjur [[sut]], sapa singkang kalah, dadi. Umpama singkang dadi G. Banjur G lungguh mengkurep ing lemah lan diubengi bocah 6 liyané ( A, B, C, D, E, lan F). Salah siji saka bocah 6 kui didadèkaké '''embok'''. Banjur kabèh tangané bocah 6 mau disèlèhaké ing gegeré G, tangané nganthong(telapaké ing dhuwur). Banjur padha nyanyèkaké tembang cublak-cublak suweng, sinambi embok ngubengaké suweng ing tangané bocah 6 mau. Nalika tembang tekan '''pak empong lera-lere''', kabèh tangan nggegem. Banjur nalika tekan '''sir sir pong dhele kopong''', kabèh tangan dijunjung saka gegere G lan driji duding loro karone nduding banjur diobahake kaya ngirisi gula jawa. Bareng karo iku G tangi saka lungguhe. Nalika tekan '''sir pong dhele kopong''' kang kapindho G dikon milih sapa kang nggawa suweng utawa krikil mau. Yèn pilihane G '''salah''', G kudu '''dadi '''manèh, nanging yèn '''bener''', sapa kang dipilih mau kudu '''dadi'''. Ngono sabanjuré.
==Réferènsi==
|
