'''Nusa Kambangan''' iku sawijining [[pulo]] ing [[Jawa Tengah]] singkang luwih kaloka minangka papan dunungé sawetara [[Lembaga Pemasyarakatan]] (LP) kanthi tataran kaamanan dhuwur ing [[Indonésia]]. Pulo iki kalebu sajeroning wewengkon administratif [[Kabupatèn Cilacap]] lan kacathet sajeroning pratélan pulo paling jaba Indonésia. Tumuju menyang pulo iki wong kudu nyebrang nganggo kapal féri saka [[palabuhan]] mirunggan ing Cilacap sajeroning kurang-luwih limang menit. Plabuhan feri pulo iki jenengé Wijayapura.
Biyèn ana sangang LP ing Nusa Kambangan (kanggo narapidana lan [[tahanan pulitik]]), nanging saiki singkang isih operasi mung kari papat, ya iku LP Batu (diyasa [[1925]]), LP Besi (diyasa [[1929]]), LP Kembang Kuning (taun [[1950]]), lan LP Permisan (tuwa dhéwé, diyasa 1908). Lima liyané, ya iku Nirbaya, Karang Tengah, Limus Buntu, Karang Anyar, lan Gleger wis ditutup. Wewengkon kidul pulo ngadhep langsung menyang [[Samudra Indonésia]] kanthi pasisir karang lan ombak gedhé. Wewengkon lor ngadhep Cilacap lan dikubengi kampung-kampung warigaluh sadawaning alas bakau, antarané Kampung Laut lan Jojog.
Padunung Nusakambangan mung para narapidana lan punggawa LP lan kulawargané, ing sangisoré pengawasan Departemen Kehakiman lan Pemda Cilacap. Mlebu metu pulo iki kudu duwé idin mirunggan liwat prosedur singkang wis ana. Anak-anak para punggawa mlebu sekolah ing SD singkang dumunung ing pulo iki. Kanggo nerusaké tingkat lanjutan (SMP, SMU, utawa pawiyatan luhur),kudu sekolah ing Cilacap utawa kutha liyané ing [[Jawa|Pulo Jawa]].
Pelabuhan utama feri singkang ana ing Nusakambangan ya iku [[Pelabuhan Sodong]], mliginémligi kanggo prelu transportasi kulawarga lan punggawa sarta narapidana.
== Sawetara pesakitan misuwur ==
* [[Johnny Indo]], tau mlayu nanging kacekel manèh.
