Varietas: Béda antara owahan

Sacara [[botani]], ''varietas'' iku sawijining populasi [[tetanduran]] jroning sawijining [[spesies]] sing nuduhaké ciri béda sing cetha. Panulisan jenengé dicithak miring (utawa digaris ngisor yèn tulisan tangan) lan didhisiki mawa singkatan "var." Conto: ''Oryza sativa'' var. ''indica''.

Jroning [[taksonomi tetanduran]], [[spesies]] arupa unit paling cilik jroning hierarki klasifikasi. Kabèh anggota spesies sing padha bisa sacara alamiyah silih kawin lan ngasilaké keturunan. Senajan mangkono, kanggo sapérangan spesies tinentu ana variasi sing cetha banget ing njeroné. Mula digawé sapérangan [[takson]] [[infraspesies]] (sangisoré spesies). Aturan lan dhéfinisi ngenani taksonomi tetanduran ditemtokaké jroning "[[Aturan Internasional kanggo Tatajeneng Botani]]" (''International Code of Botanical Nomenclature'', ''ICBN'')[http://www.bgbm.fu-berlin.de/iapt/nomenclature/code/SaintLouis/0001ICSLContents.htm]. Pangertèn varietas kaya iki dinggo déning ahli taksonomi tetanduran supaya ora dadi ambiguitas jroning panglompokan sawijijing populasi sajenis. [[Taksonomi kéwan]] mung ngenal subspesies minangka [[takson]] sangisoré [[spesies]].