Ovarium: Béda antara owahan

'''Ovarium''' utawa '''indung endhog''' iku [[kelenjar]] kelamin betina kéwan lan manungsa.

Ing sanjeroné saben ovarium dumadi perkembangan [[sel endhog]] ([[oogenesis]]). Ing prosès iki sel endhog bakal dikantheni sawijining klompok sel sing disebut [[sel folikel]]. Ing manungsa, perkembangan oogenesis saka [[oogonium]] dadi [[oosit]] dumadi ing embrio sanjeroné kandhungan lan [[oosit]] ora bakal berkembang dadi ovum nganti diwiwiti mangsané [[pubertas]]. Ing mangsa pubertas, ovum sing wis mateng bakal diculaké saka sel folikel lan ditokaké saka ovarium. Prosès uculé saka ovarium disebut [[ovulasi]]. Sel ovum siap dibuahi déning sel [[spermatozoa]] saka priya, sing menawa kasil nggabung bakal mbentuk [[zigot]].

Ovarium fungsiné ngetokaké hormon [[steroid]] lan [[peptida]] kaya [[estrogen]] lan [[progesteron]]. Loro hormon iki penting ing prosès pubertas wanita lan [[ciri seks sekunder|ciri-ciri seks sekunder]]. Estrogen lan progesteron duwé peran ing persiapan dinding rahim kanggo implantasi endhog sing wis dibuahi. Saliyané iku uga duwé peran mènèhi sinyal tumrap [[kelenjar hipotalamus]] lan [[kelenjar pituitari|pituitari]] sakwéné ngatur siklus [[menstruasi]].

Sawisé sel endhog diovulasiké, banjur bakal mlebu ing [[tuba fallopi]] lan gerak alon-alon nuju [[uterus|rahim]]. Yèn dibuahi déning spérma ing (tuba fallopi), sel endhog bakal melakukan implantasi ing dinding uterus lan brkembang dadi sawijining prosès meteng. Yèn pambuahan ora dumadi ing tuba fallopi, bisa dumadi [[kehamilan ektopik]], yaikuya iku kehamilan ora dumadi ing rahim. Perkembangan janin ing kehamilan ektopik, bisa dumadi ing tuba fallopi dhéwé, lambé rahim, bisa uga ing ovarium.