Misha: A Mémoire of the Holocaust Years
Misha: A Mémoire of the Holocaust Years ("Misha: mémoar taun-taun Holocaust") iku siji buku sing ditulis déning Misha Defonseca, lan kapisan kababar ing taun 1997. Buku iki jaréné siji mémoar utawa carita kisah nyata sing nyritakaké pengalamané siji bocah wadon Yahudi. Prastawa-prastawa sing dialami Defonseca sing katulis ing buku iki nalika nggolèki wong tuwané ing antarané kalebu lumaku punjul 3.000 kilomèter nembus Éropah, kejabak ing Ghetto Warsawa, matèni siji prajurit Nazi sing kepéngin ngrudapeksa awaké, lan direksa déning sagrombolan sregala. Buku iki laris ing sawatara nagara lan diterjemahaké ing 18 basa. Malahan buku iki digawé filem Survivre Avec les Loups ("Awèt urip karo sregala") déning siji sutradara Prancis-Yahudi, Véra Belmont.
 | |
| Panganggit | Misha Defonseca/Monique De Wael |
|---|---|
| Nagara | Amérikah Sarékat |
| Basa | basa Inggris |
| Gènre | Perang Donya II, Holocaust |
| Pangecapan | Mt. Ivy Press |
Kala babar | 1997 |
| ISBN | 978-0963525772 |
Nanging ing 29 Fèbruari 2008, Defonseca ngaku yèn bukuné iki namung fiksi waé. Jeneng asliné ya iku Monique de Wael lan dhèwèké dudu wong Yahudi.