Holocaust

Holocaust (saka basa Yunani: holokauston kang tegesé "pisungsung pangurbanan kang diobong "), uga kaloka minangka (Ha)-Shoah (Ibrani: השואה), Churben (Yiddish: חורבן) iku genosida sistematis kang dilakoni Jerman Nazi marang warna-warna golongan ètnis, kaagamaan, bangsa, ing jaman Perang Donya II.

Bangsa Yahudi ing Éropah minangka kurban-kurban utama sajeroning Holocaust, kang ingaran kaum Nazi minangka "solusi pungkasan masalah Yahudi". Cacahing kurban Yahudi lumrahé ingaran watara enem yuta jiwa. Genosida kang diciptakaké déning Adolf Hitler iki ditindakaké kanthi cara panémbakan, panyiksan, lan nganggo gas racun, ing sajeroning kampung Yahudi lan Kamp konsèntrasi.

Saliyané kaum Yahudi, golongan-golongan liyané kang dianggep kaum Nazi "ora disenengi " antarané bangsa Polen, Ruslan, suku Slavia liyané, panganut agama Katulik Roma, wong cacat, wong cacat méntal, homosèksual, Saksi-Saksi Yehuwa (Jehovah's Witnesses), wong kuminis, suku Gipsi (Wong Rom lan Sinti) lan lawan-lawan pulitik. Wong-wong mau uga ditangkep lan dipatèni. Yèn digunggung kalebu wong-wong iki mau cacahing kurban Holocaust bisa nganti 9-11 yuta jiwa.

Uga delengen

• Kamp konsèntrasi
• Anne Frank
• Aksi T4

Pranala njaba

• United States Holocaust Memorial Museum. Includes the extensive Holocaust Encyclopedia and large collections of maps and photos, one of the most comprehensive sites.
• Yad Vashem (Israèli Holocaust Memorial) Archived 2009-02-07 at the Wayback Machine.. Extensive archives with a searchable database of victims, extremely comprehensive
• Jehovah's Witnesses
• Jujukan masa kearah Holocaust.
• (ing basa Inggris)Dean, Martin: Robbing the Jews - The Cofiscation of Jewish Property in the Holocaust, 1935 - 1945, Cambridge University Press, 2008.