Jerman Nazi

Jerman Nazi utawa Reich Katelu iku ngarujuk mligi mangsa wiwit taun 1933 nganti 1945, nalika Adolf Hitler mimpin nagara Jerman minangka diktator lan nyebaraké ideologi nasional-sosialisme (Nationalsozialismus). Reich iku tembung Jerman kanggo "karajan". Disebut karajan katelu amarga karajan pisanan yaiku Kakaisaran Romawi Suci, déné karajan kaloro yaiku Kakaisaran Jerman.

Großdeutsches Reich Reich Jerman Raya
Gendéra Lambang
← 1933-1945 →
Sesanti	Ein Volk, ein Reich, ein Führer Wong siji, siji Kakaisaran, siji pimpinan
Basa resmi	Basa Jerman
Kutha krajan	Berlin
Pamaréntah	Diktator
Wewengkon	633,786 km²
Padunung 1939	69,314,000
Kapadhetan	109.4 /km
Valuta	Reichsmark
Didegaké	30 Januari 1933 (Machtergreifung)
Dibubaraké	7/8 Mèi 1945 (Nyerahke Jerman)
Lagu kebangsaan	Das Lied der Deutschen"
Fuhrer/Présidhèn	Paul von Hindenburg (1933-1934) Adolf Hitler (1934-1945) Karl Donitz (1945)
Kanselir	Adolf Hitler (1934-1945) Joseph Goebbels (1945) Lutz Graf Schwerin von Krosigk (1945)
Peta

Gendéra Jerman Nazi, kanthi swastika minangka simbul dominan.

Peta Jerman ing jaman Nazi.

Sajeroning periode iki Jerman tuwuh saka nagara kang kalah Perang Donya I nganti dadi salah siji kakuwatan militèr gedhé dhéwé ing donya. Ing ing sajeroning wektu iku uga ditindakaké pulitik rasis kang ngagungaké bangsa Arya lan ora ngajèni ras-ras liya.

Mliginé bangsa Yahudi didiskriminasèkaké lan dikumpulaké kanggo dipatèni ing kamp konsèntrasi. Saliyané wong Yahudi kaum Nazi uga ndiskriminasi lan mbesmi bangsa Gipsi (Roma lan Sinti) sarta bangsa Slavia. Jerman Nazi bubar nalika kalah sajeroning Perang Donya II nglawan Uni Soviet lan kakuwatan Sakuthu kang dibawahi Amérika Sarékat. Kasil saka kakalahan iki nagara Jerman banjur dipérang, yaiku Républik Federasi Jerman ing sisih kulon lan Républik Dhémokratis Jerman ing sisih wétan sarta wewengkon ing wétané Kali Oder lan Neisse diwènèhaké marang Polen lan Uni Soviet.

Wewengkon Éropa taklukan Nazi Jerman ing jaman puncak kakuwasan

Perkembangan ekspansi wewengkon Jerman ing Éropa saka 1937 nganti 1 September 1939

Wewengkon taklukan Nazi Jerman

• Ostenrik (Maret 1938)
• Cekoslowakia
• Polen (September 1939)
• Dhènemarken (April 1940)
• Nurwègen (April 1940)
• Walanda (Mèi 1940)
• Bèlgi (Mèi 1940)
• Luksemburg (Mèi 1940)
• Prancis (Juni 1940)
• Yunani (April 1941)
• Yugoslavia (April 1941)
• sawatara nagara ing pérangan Afrika Lor
• sewetara wewengkon Uni Soviet/Ruslan (ora kasil nguasani kabèh wewengkon sadurungé mangsa adhem)

Deleng uga

Sajarah Jerman

Prasajarah Jerman Jerman pra-Romawi (Etnogenesis) Periode Antik: Jerman lan Kakaisaran Romawi Abad Pertengahan Dinasti Jermanik awal Karajan Franka Kakaisaran Romawi Suci Kolonisasi dhaérah Wétan déning bangsa Jerman Réformasi Perang Telung Puluh Taun Sajarah Modhèrn Jerman Konfederasi Jerman Konfederasi Jerman Lor Negara Jerman (Deutsches Reich) Kakaisaran Jerman Wilayah Wétan Kakaisaran Jerman Perang Donya I Républik Weimar Jerman Nazi Perang Donya II Jerman ing sangisoré Sekutu (1945-1949) Wewatesan Oder-Neisse Jerman Kulon Jerman Wétan Panunggalan Manèh Jerman

• Nazi
• Holocaust