Monumèn Pèrs
Monumèn Pèrs yaiku salah sawijining wewangunan wujud monumèn kang duwèni makna wigati tumraping kanggo para paraga pèrs ing Indonesia. Ing jaman kawuri papan iki dadi papan laire sawijining paguyuban utawa organisasi yaiku Persatuan Wartawan Indonesia (PWI).[1]
_(crop).jpg)
Sujarah
besutSujarah Monumen Pers Surakarta kang diyasa taun 1918 diprakarsani dening KGPAA Mangkunagara VII, Pangeran Adipati Prangwedana. Gagasan diyasane Monumen Pers yaiku kanggo sarana bale pakumpulan lan paseban. Senajan nembe diyasa ing taun 1918, nanging rancangan wimban gedhong Monumen Pers wis kapasrahake marang Mangkunegara VII kawit 1917. Wimbang wewangunan Monumen Pers digambar dening Mas Aboekasan Atmodirono, sawijining juru gambar saka Wanasaba.[2]
Ing taun 1956, pener 10 taun sawise madege PWI, saperangan juru warta kondhang Indonesia paring pamrayoga supaya ngedegake sawijining yeyasan kang mayungi pers nasional. Yeyasan iki banjur diresmekake 22 Mei 1956. Jeneng Monumen Pers Nasional katetapake ing taun 1973. Jeneng Monumen Pers Nasional kang jumedhul ing Palembang nalika kongres ing Tretes taun 1973, jeneng kang diowahi dadi Monumen Pers Nasional yaiku saka urun rembunge PWI cabang Surakarta. Banjur lahan sarta gedhong Munem Pers disumbangake marang pamarentah taun 1977. Manut dhasaring SK Gubernur Jawa Tengah nomer HK. 128/1977 katitik tanggal 31 Dhesember 1977 atas lahan lan gedhong Societeit kasebut diparahke marang Panitia Pembangunan Monumen Pers Nasional Departemen Penerangan RI. Monumen Pers Nasional diresmekake dening Presidhen Soeharto lan binuka kanggo umum tanggal 9 Februari 1978. Monumen Pers Nasionak kanthi ditapakasmani prasasti. Kawit 2005 tumeka saiki, Monumen Pers Nasional dikemunah dening Kominfo RI.[3]
Rerenggan
besut
Rerenggan cacah papat patung awujud Naga yeyasan salah sawijining seniman Sala, yaiku Hidyanto Kusrin ingkang wonten sakngarepe Monumen Pers rikala taun 1977. Rerenggan wujud patung Naga uga kasebut Catur Manggala Kura ingkang pralambang kawicaksanan. Wedharan saking sekawan patung Naga yaiku pralambang: Kapisan Proklamasi Republik Indonesia ing taun 1945, kapindho Laire Persatuan Wartawan Indonesia (PWI) ing taun 1946, katelu Tandha diresmekake Monumen Pers Nasional ing taun 1978, kapapat Pasrah Gedhong Tambahan ing taun 1990.[4]
Visi lan Misi
besutMonumen Pers duwe visi lan misi kang wis katetepake dening pangemunah kang wis kasarikake saka laman museum Kemendikbud. Visi lan misine yaiku:
Visi
besutMawujude punjer pers nasional kang basise teknologi lan Informasi
Misi
besut1. Ngrekam, nguri-uri bukti babar medhia lan barang-barang sujarah lingkup pers saka saindhenging Indonesia kawit sadurunge proklamasi kamardikan tumeka saiki.
2. Gethok tularake dhokumen dan koleksi pers, komunikasi, informasi kang ngemot sujarah marang bebrayan agung kanggo njurung pembangunan jiwa lan kapribaden bangsa (Nation and Character Building).
3. Mujudake papan kunjungan wisata ilmiah bidang pers lan dadi agen diseminasi sarta minangka media literasi kanggo bebrayan.[5]
Rujukan
besut- ↑ Primasasti, Agnia (2022-09-06). "Ana Apa ing Monumen Pers?". Pamarentah Surakarta. Dibukak ing 2024-12-02.
- ↑ Arum Wibawana, Widhia (2013-02-07). "Sujarah Monumen Pers Nasional ing Sala". detik.com. Dibukak ing 2024-12-02.
- ↑ Kominfo, Admin. "Ngenani Monumen Pers". Kominfo. Dibukak ing 2024-12-04.
- ↑ Rachmawati, Rachmawati (2022-09-04). "Sujarah Monumen Pers Nasional Solo, Seksi Laire Radio Kapisan Pribumi lan Madeging PWI". Kompas.com. Dibukak ing 2024-12-02.
- ↑ Museum Kemdikbud, Admin. "Profil Monumen Pers Nasional". Museum Kemdikbud. Dibukak ing 2024-12-04.