Nancy Foner
Nancy Foner ya iku ahli antropologi lan sosiologi wanita saka New York, Amérikah Sarékat, kalairan taun 1945[1][2]. Nancy naté kuliah ana ing Brandeis University lan olèh gelar BA taun 1966. Sabanjuré ana ing University of Chicago lan olih gelar MA ing taun 1968 lan Ph.D. ing taun 1971[3]. Panlitian antropologis kang dilakoni dhèwèké ya iku ana ing Jamaika (1968), London (1973), lan New York taun 1982, nliti bab migran Jamaika kang ana ing kutha iku[1]. Saka panlitian-panlitiané, dhèwèké wis nulis werna-werna karya akademis, ya iku antarané Jamaica Farewell: Jamaican Migrants in London (1978), Ages in Conflict: A Cross-cultural Perspective on Inequality between Old and Young (1984), The caregiving Dilemma: Work in an American Nursing Home (1994), lan From Ellis Island to JFK: New York’s Two Great Waves of Immigration (2000)[1][3]. Nancy iki karenan banget ing bab migrasi[4]. Amarga iku, dhèwèké dadi pelopor ing karya antropologi migrasi[1].
Rujukan besut
- ↑ a b c d Amit, Vered (2004). Biographical dictionary of social and cultural anthropology. London: Routledge. kc. 230. ISBN 020364459X. OCLC 436848672.
- ↑ "Nancy Foner". www.gc.cuny.edu. Dibukak ing 2018-01-09.
- ↑ a b "Nancy Foner — Hunter College". www.hunter.cuny.edu (ing basa Inggris). Dibukak ing 2018-01-09.
- ↑ "Nancy Foner". migrationpolicy.org (ing basa Inggris). 2016-04-22. Dibukak ing 2018-01-09.