Suwarna Dwijanagara

Mugi karahmatan miwah karaharjan tansah tumedhak saha tumanduk mring sanggya kawula dasih kaswasih. Kula ndherek nepangaken mring para kadang Wikipedia Basa Jawa. Lair wonten Klaten, 1 Februari 1964, samenika dados dosen wonten ing Program Studi Pendidikan Bahasa Jawa, Fakultas Bahasa dan Seni, Universitas Negeri Yogyakarta. Dene samenika kapitados dados sekretaris LPPMP (Lembaga Pengembangan dan Pejaminan Mutu Pendidikan) UNY. Kajawi dados dosen, ugi praktisi PRANATACARA ing adicara pengantin, mliginipun upacara penganten Jawi, nanging ugi pranatacara penganten daerah, nasional, saha saperangan penganten internasional. Wulan September taun 2011 kakukuhaken minangka Guru Besar Pendidikan Bahasa Jawa sarta pikantuk kekancingan nama saking Karaton Surakarta Hadiningrat nun inggih Prof. Dr. KRT. Dwijanagara, M.Pd. Kajawi nindakaken pamulangan ing Prodi Bahasa Jawa, ugi nyerat buku-buku referensi, buku-buku pamulangan kuliah, buku SMA, buku SMP, sarta SD, panaliten saking beya manca nagari, dikti, diknas, saha beya piyambak, miwah labuh dhateng masarakat. Samenika nembe ngrampungaken buku pamulangan Basa Jawi kangge SMP saha nyerat buku Etnoputika The Art of Verbal Performance.