Omah Kulawarga Tan Siang Swie
Omah Kulawarga Tan Siang Swie inggih mênika salah satunggaling wêwangunan ingkang kalêbêt jinis cagar budaya saha mapan ing tlatah Kabupatèn Semarang, Provinsi Jawa Tengah. Awit saking mênika, omah kulawarga Tan Siang Swie kedah dipunlêstantunakên supados sagêd dados objek studi ing zaman samênika saha salajêngipun. Wêwangunan mênika madhêp ing sisih kidul, saking ngajêng kêtingal surambi ngajêng ingkang agêngipun ugi sawiyaripun wêwangunan. Wêwangunan awujud rumah tinggal mênika kadadosan saking 3 bilik, ngginakakên model Indische saha ornamen gothic. Omah Kulawarga Tan Siang Swie diwangun ing taun 1930-an, déning arsitek Walandi ingkang asma Herman Thomas Karsten. Cagar budaya awujud wêwangunan mênika dipuntêtêpakên kanthi SK Walikutha No SK : 646/50/1992, tanggal 4 Febuari 1992. Omah kulawarga Tan Siang Swie samênika sagêd dipunpanggihi minangka Poliklinik Bethesda saha Kantor GKI Peterongan.[1]
Wujud Payon besut
Payon ing wêwangunan mênika dipunwangun kanthi model pelana Archived 2021-10-22 at the Wayback Machine. saha ngginakakên gêndhèng ingkang dipundamêl saking lêmpung. Payon wêwangunan mênika dipuncagak nganggé pilar utawi kolom saking ukiran kajêng. Kolom ingkang dipunkarêpakên wontên ing sêratan mênika, inggih kolom wêwangunan awujud batang ingkang madêg kanthi vertikal ingkang ginanipun minangka rangka struktur ingkang nyagak momotan saking balok[2]. Kepala kolom utawi pilar nganggé motif korintian. Motif korintian inggih mênika kolom awujud ukiran ingkang misuwur ing Yunani Kuno minangka salah satunggaling jinis arsitektur klasik. Motif mênika dipunwujudakên kanthi ornamen mewah ingkang diukir kados dene motif ron saha sêkar. [3] Salajêngipun, payon mênika ngginakakên penghalang sinar saha wontên rêrênggan ingkang awujud papan kajêng saha dipunukir kanthi motif sulur. Têngahipun payon wontên bundêran awujud sêkar 3 dimensi. Ngandhapipun payon wontên kajêng ingkang dipunukir kerawang kados dene wujud poni. Pucuking payon ingkang sisih wétan saha kilèn ugi wontên bundêran minangka ventilasi kanthi ornamen ingkang sami. Pucuking payon saking tigang wangunan ingkang utama, dipunrêngga kanthi ukiran awujud tongkat lancip ingkang taksih wantah.[4]
Wujud Lawang saha Jêndhéla besut
Omah kulawarga Tan Siang Swie ngginakakên lawang saha jêndhéla kanthi wujud daun ganda saha panel-ipun nganggé kaca sarta kajêng. Jinisipun jêndhéla ingkang dipunginakakên inggih mênika jinis jêndhéla DHS ingkang cara mbikakipun sisih ngandhapipun dipunsurung saha dipunênêrakên njawi. Awit saking mênika, soroting sunar sagêd mlêbêt bilih jêndhéla dipunbikak.[5]
Referensi besut
- ↑ Admin, Kementrian Pendidikan dan Kebudayaan. "Rumah Tinggal Keluarga Tan Siang Swie". Diarsip saka sing asli ing 2022-10-27. Dibukak ing 2021-10-14.
- ↑ Bantul, Dinas PUPKP Pemkab. "Kolom Bangunan Pengertian, Jenis, dan Fungsinya". Dinas PUPKP Pemkab Bantul. Diarsip saka sing asli ing 2021-10-24. Dibukak ing 2021-10-15.
- ↑ "Tentang Kolom Korintus - Fitur dan Foto - 2021". Life hack (ing basa Indonesia). Dibukak ing 2021-10-15.[pranala mati permanèn]
- ↑ "Rumah Tinggal Keluarga Tan Siang Swie - Sistem Registrasi Nasional Cagar Budaya". cagarbudaya.kemdikbud.go.id. Diarsip saka sing asli ing 2022-10-27. Dibukak ing 2021-10-15.
- ↑ "Rumah Tinggal Keluarga Tan Siang Swie - Sistem Registrasi Nasional Cagar Budaya". cagarbudaya.kemdikbud.go.id. Diarsip saka sing asli ing 2022-10-27. Dibukak ing 2021-10-15.