Omah cilik dhéwé ing Amsterdam

Omah cilik dhéwé ing Amsterdam iku dumunung ing Oude Hoogstraat 22 ing punjer tuwa Amsterdam, ing sisih tengen Omah Indhiya Wétan lan gapura menyang Gréja Walonia . Omah iku, sing déning sawetara wong ya diarani 'Omah cilik dhéwé ing Éropah, ambané 2,02 mèter lan jeroné 5 mèter. Mawa témbok ngarep utawa fasad tuitgevel sing karakteristik, omah iki ngwakili vèrsi mini omah kanal Amsterdam.

Sisih ngarep omah sing cilik dhéwé ing Amsterdam (2013)
Prosèsi lelayon ing gapura Gréja Walonia antara Oude Hoogstraat 24 lan 22 (1768).
Bethaniendwarsstraat katon manuju ing gapura saka Waalse Kerk lan omah cilik ing Amsterdam ing Oog Hoatstraat (1787).

Omah cilik dhéwé ing Amsterdam kacathet minangka cagar nasional .

SejarahBesut

Omah cilik dhéwé ing Amsterdam iki dumunung ing pojok tilas situs Paulusbroederklooster (wihara bruderan Paulus). Ing taun 1550, bagéan ing situs iku didol marang Kutha Amsterdam sing mbangun Bushuis ing kéné. Banjur, ing taun 1603, VOC Kamar Dagang Amstedam nganggo sabagéan Bushuis minangka gudhang. Ing taun 1604 Omah Indhiya Wétan wiwit dibangun, ing jèjèré Bushuis, sing rampung taun 1606.

Persis jèjèré omah iku ana salah sawijining gapura Amsterdam sing misuwur dhéwé: gapura menyang Waalse Kerk. Gapura iki, sing dibangun ing taun 1616, dirancang déning arsitèk Hendrik de Keyser (1565-1621) lan dadi dalan kanggo pasamuwan panguburan.

Oude Hoogstraat iku wiwitané dalan punjer toko. Ing nomer 20 lan 22, ana bangunan sing jenengé 'Koning David' (Raja Dawud) nganti taun 1733. Bangunan iki kabongkar kanggo nggawé bangunan anyar: bangunan saiki sing nomer 20. Ing wektu iku, kutha praja Amsterdam ngrebut turahing lemah sing isih turah 10 meter persegi. Omah cilik dhéwé ing Amsterdam banjur dibangun ing tanah iki: saiki nyandhang nomer 22.

Omah iku pisanan kacathet ing taun 1738. Kutha Amsterdam nalika iku mbayar pajeg pisanan kanggo lokasi omah iku. Ing taun 1742 omah iku diséwakaké 150 gulden sataun marang tukang gawé jam Jan Tenking [1] .

Senadyan omah ini saiki ndarbèni rong tingkat dhuwur lan lotèng, nalika taun-taun wiwitan omah iku mung arupa satingkat waé. Rong tingkat lan lotèng iki ditambahaké ing antarané taun 1768 lan 1787.

Liya-liyaBesut

Omah iki ora ndarbèni fasad utawa témbok ngarep sing ciyut dhéwé ing Amsterdam. Omah iku (sing uga diarani 'omah ciyut dhéwé sadonya') ana ing Singel 7.